Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Ɔwɛn-Aban  |  October 2015

Bible Nsɛmmisa Ho Mmuaeɛ

Bible Nsɛmmisa Ho Mmuaeɛ

Enti bere bi bɛba a obiara renni hia?

Dɛn na onyankopɔn bɛyɛ de ayi ohia afi hɔ?Mateo 6:9, 10.

Ohia buruburoo nti, afe biara ɔkɔm ne yareɛ kunkum nnipa mpempem pii. Ɛwom, aman bi di yie, nanso ohia da so ara dokoro nnipa pii. Bible no ma yɛhu sɛ ɛnyɛ nnɛ na ohia hyɛɛ ase.Kenkan Yohane 12:8.

Sɛ ohia to bɛtwa a, gye sɛ yɛnya aban a ɛbɛtumi ahwɛ ama asase so nneɛma akyɛ pɛ. Ade baako paa a ɛkɔfa ohia ba ne akokoakoko. Enti ɛsɛ sɛ saa aban no tumi ma akokoakoko nso to twa. Onyankopɔn ahyɛ bɔ sɛ ɔbɛma yɛn aban a ɛte saa.Kenkan Daniel 2:44.

Hwan na ɔbɛtumi atu ohia ase koraa?

Onyankopɔn de ne Ba Yesu asi adwa so sɛ ɔnni nnipa nyinaa so hene. (Dwom 2:4-8) Yesu bɛgye ahiafo na ɔbɛma nhyɛso ne atirimɔdensɛm nyinaa to atwa.Kenkan Dwom 72:8, 12-14.

Bible ma yɛhu sɛ Yesu yɛ “Asomdwoeɛ Hene,” na ɔbɛma obiara anya asomdwoe ne ahobammɔ wɔ asase so. Saa bere no, obiara bɛsi ne fie atena mu, ayɛ adwuma pa. Afei ɛkɔm renne obiara, efisɛ aduane bɛbu so.Kenkan Yesaia 9:6, 7; 65:21-23.