Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Ɔwɛn-Aban  |  September 2015

Bible Nsɛmmisa Ho Mmuaeɛ

Bible Nsɛmmisa Ho Mmuaeɛ

Adɛn nti na nkɔmhyɛ wɔ Bible mu?

Adɛn nti na Bible kaa nsɛm a ɛresisi yɛn bere yi so ho asɛm?—Luka 21:10, 11.

Sɛ yɛhwɛ Bible mu a, nkɔmhyɛ pii ahyɛ mu ma. Onipa biara ntumi nka daakye ho asɛm pɛpɛɛpɛ da. Enti, Bible nkɔmhyɛ a anya mmamu no yɛ adanse a ɛdi mũ a ɛkyerɛ sɛ Bible no yɛ Onyankopɔn Asɛm.—Kenkan Yosua 23:14; 2 Petro 1:20, 21.

Bible nkɔmhyɛ a anya mmamu no ma yɛnya nea yɛbɛgyina so anya Onyankopɔn mu gyidi. (Hebrifoɔ 11:1) Ɛsan nso ma yɛnya awerɛhyem sɛ, ɛbɔ a Onyankopɔn ahyɛ fa daakye a ɛyɛ anigye ho no bɛbam. Ɛno nti, Bible nkɔmhyɛ ma yɛnya anidaso a ɛdi mũ.—Kenkan Dwom 37:29; Romafoɔ 15:4.

Bible nkɔmhyɛ boa yɛn sɛn?

Nkɔmhyɛ no bi bɔ Onyankopɔn asomfo kɔkɔ ma wɔyɛ biribi. Nhwɛso baako ni, bere a Kristofo a wɔtenaa ase wɔ Yesu bere so no huu sɛ nkɔmhyɛ bi anya ne mmamu no, wɔdwane firii Yerusalem. Akyiri yi, wɔsɛee kuro no efisɛ nnipa dodow no ara annye Yesu anni; nanso saa bere no na Kristofo no wɔ akyirikyiri baabi, na na wɔwɔ ahobammɔ.—Kenkan Luka 21:20-22.

Ɛnnɛ, nkɔmhyɛ a anya mmamu ma yɛhu sɛ, ɛrenkyɛ Onyankopɔn Ahenni bɛsɛe nnipa ahenni ne aban ahorow nyinaa. (Daniel 2:44; Luka 21:31) Enti ɛho hia sɛ obiara bɔ mmɔden sɛ ɔbɛyɛ ade a ɛbɛma wanya Yesu Kristo, Ɔhene a Onyankopɔn apaw no no anim dom.—Kenkan Luka 21:34-36.