Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Ɔwɛn-Aban  |  March 2014

Bible Nsɛmmisa Ho Mmuae

Bible Nsɛmmisa Ho Mmuae

Yesu wu no, mfaso bɛn na ɛwɔ so ma yɛn?

Bere a Onyankopɔn bɔɔ nnipa no, na ɔpɛ sɛ anka wɔtena asase so daa a amanehunu ne owu biara nni hɔ. Nanso onipa a odi kan Adam yɛɛ asoɔden tiaa Ɔbɔadeɛ no maa daa nkwa bɔɔ no. Yɛyɛ Adam asefo, enti owu na ɔde agyaw yɛn. (Romafo 5:8, 12; 6:23) Yehowa, nokware Nyankopɔn no somaa ne Ba Yesu baa asase so bewui sɛnea ɛbɛyɛ a yɛn nsa bɛka nea Adam ma ɛbɔɔ yɛn no.Kenkan Yohane 3:16.

Yesu wui sɛnea ɛbɛyɛ a adesamma betumi anya nkwa a enni awiei. Wohwɛ a, nkwa a enni awiei wɔ asase so bɛyɛ sɛn?

Yesu wu no ma yenya bɔne fafiri ne nkwa a enni awiei. Bible ka sɛ bere bi bɛba a mpanyinyɛ, yare, ne owu befi hɔ, na ɛma yehu sɛnea saa bere no, asase so asetena bɛyɛ.Kenkan Yesaia 25:8; 33:24; Adiyisɛm 21:4, 5.

Dɛn na ɛsɛ sɛ yɛyɛ de kae Yesu wu no?

Anadwo a Yesu rebewu no, ɔka kyerɛɛ n’asuafo no sɛ wɔnyɛ nhyiam ketewaa bi mfa nkae ne wu no. Sɛ yɛfa saa kwan no so kae Yesu wu no afe biara a, ɛboa yɛn ma yedwinnwen ne wu no ho. Ɛsan ma yedwinnwen ɔdɔ kɛse a Yesu ne Yehowa wɔ ma nnipa no ho.Kenkan Luka 22:19, 20; 1 Yohane 4:9, 10.

Afe yi, Yesu wu Nkaedi no besi Dwoda, April 14, bere a owia akɔtɔ. Yɛto nsa frɛ wo sɛ wo ne Yehowa Adansefo a wɔwɔ wo mpɔtam hɔ nkɔ Nkaedi no bi.Kenkan Romafo 1:11, 12.

SUA PII

YƐN HO NSƐM

Yesu Wu Nkaedi

Afe biara nnipa mpempem pii hyiam kae Yesu wu no. Yɛto nsa frɛ wo sɛ bra bɛhwɛ sɛnea ne wu no fa wo ho.

Dɛn na Bible Kyerɛkyerɛ Ankasa?

Hena Ne Yesu Kristo?

Dɛn na Bible Kyerɛkyerɛ Ankasa?

Agyede No—Onyankopɔn Akyɛde a Ɛsen Biara