Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Ɔwɛn-Aban  |  January 2014

Bible Nsɛmmisa Ho Mmuae

Bible Nsɛmmisa Ho Mmuae

Onyankopɔn te sɛn?

Onyankopɔn yɛ honhom, na yɛrentumi mfa yɛn ani nhu no. Ɔsoro ne asase ne nneɛma a ɛwɔ nkwa mu nyinaa, ɔno na ɔbɔe. Onyankopɔn de, ɛnyɛ obi na ɔbɔɔ no; onni mfiase. (Dwom 90:2) Onyankopɔn pɛ sɛ nkurɔfo hwehwɛ no na wohu ne ho nokwasɛm.Kenkan Asomafo Nnwuma 17:24-27.

Onyankopɔn yɛ obi ankasa a ɔwɔ din, na sɛ yedwinnwen nneɛma a wayɛ ho a, yebetumi ahu ne suban kakra. (Romafo 1:20) Nanso yebetumi ahu Onyankopɔn yiye paa a, gye sɛ yesua n’Asɛm Bible. Ɛma yehu Onyankopɔn yiye, na yehu sɛ ɔyɛ ɔdɔ Nyankopɔn.Kenkan Dwom 103:7-10.

Sɛn na Onyankopɔn te nka wɔ nsisi ho?

Yɛn Bɔfo Yehowa kyi nsisi, na ne suban no bi na ɔde bɔɔ nnipa. (Deuteronomium 25:16) Ɛno nti na yɛn mu pii kyi nsisi no. Nsisi a ɛwɔ wiase no mfi Onyankopɔn. Onyankopɔn bɔɔ nnipa no, ɔde wɔn pɛ maa wɔn. Nanso nea ɛyɛ yaw ne sɛ, nnipa amfa anyɛ adepa; wɔde sisi wɔn yɔnko nnipa, na ɛma Yehowa di awerɛhow ne komam.Kenkan Genesis 6:5, 6; Deuteronomium 32:4, 5.

Yehowa dɔ atɛntrenee, na ɔrenhwɛ mma nsisi nkɔ so saa daa. (Dwom 37:28, 29) Bible hyɛ bɔ sɛ ɛrenkyɛ Onyankopɔn beyi nsisi nyinaa afi hɔ.Kenkan 2 Petro 3:7-9, 13.

Bible hyɛ bɔ sɛ ɛrenkyɛ Onyankopɔn beyi nsisi afi hɔ ama obiara ho atɔ no