Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Ɔwɛn-Aban  |  April 2013

Bible Nsɛmmisa Ho Mmuae

Bible Nsɛmmisa Ho Mmuae

Enti ɛyɛ ampa sɛ yebetumi ate Bible ase?

Bible yɛ Onyankopɔn Asɛm. Ɛte sɛ krataa a agya pa bi akyerɛw ama ne ba. (2 Timoteo 3:16) Yɛkenkan Bible a, yehu sɛ Onyankopɔn kyerɛ yɛn nea ɔpɛ sɛ yɛyɛ, nea enti a ɔma amumɔyɛ ho kwan, ne nea ɔbɛyɛ ama adesamma daakye. Nanso nyamesom akyerɛkyerɛfo akyinkyim Bible nkyerɛkyerɛ. Ama nnipa pii aba mu abu sɛ wɔrentumi nte Bible ase da.—Asomafo Nnwuma 20:29, 30.

Yehowa Nyankopɔn pɛ sɛ yehu ne ho nokwasɛm. Ɛno nti, wama yɛn nhoma a yebetumi akenkan ate ase.—Kenkan 1 Timoteo 2:3, 4.

Wobɛyɛ dɛn na woate Bible ase?

Bible a Yehowa de ama yɛn no, wama yɛn nea ɛbɛboa yɛn ama yɛate ase nso. Ɔsomaa Yesu sɛ ɔmmɛkyerɛkyerɛ yɛn. (Luka 4:16-21) Yesu boaa nnipa a wotiee no no ma wɔtee Bible no ase, na ɔtwee adwene sii kyerɛw nsɛm pii so.—Kenkan Luka 24:27, 32, 45.

Yesu de Kristofo asafo no sii hɔ na ama adwuma a ofii ase no akɔ so. (Mateo 28:19, 20) Ɛnnɛ, Yesu akyidifo anokwafo reboa nkurɔfo ama wɔahu nea Bible ka fa Onyankopɔn ho. Sɛ wopɛ sɛ wote Bible ase a, Yehowa Adansefo ani begye ho sɛ wɔbɛboa wo.—Kenkan Asomafo Nnwuma 8:30, 31.