Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Ɔwɛn-Aban  |  March 2013

Bible Nsɛmmisa Ho Mmuae

Bible Nsɛmmisa Ho Mmuae

Adɛn nti na wɔfrɛ Yesu Onyankopɔn Ba?

Onyankopɔn nni yere a ɔne no wo mma. Ɔno na nkwa nyinaa fi no. Wɔbɔɔ onipa ɔkwan bi so a wobetumi asuasua Onyankopɔn. Ɛno nti, Adam, onipa a odi kan a Onyankopɔn bɔɔ no no, wɔfrɛ no “Onyankopɔn ba.” Yesu nso wɔfrɛ no “Onyankopɔn Ba no,” efisɛ ɔwɔ n’Agya suban no bi.—Kenkan Luka 3:38; Yohane 1:14, 49.

Bere bɛn na wɔbɔɔ Yesu?

Onyankopɔn bɔɔ Yesu ansa na ɔrebɔ Adam. Nea ɛwom ne sɛ, Onyankopɔn bɔɔ Yesu, na ɔnam ne so yɛɛ biribiara a aka; abɔfo nso ka ho. Ɛno nti Bible frɛ Yesu sɛ Onyankopɔn “abɔde nyinaa mu abakan.”—Kenkan Kolosefo 1:15, 16.

Ansa na wɔrewo Yesu wɔ Betlehem no, na ɔyɛ honhom abɔde wɔ soro. Bere soe no, Onyankopɔn yii Yesu nkwa fii soro bɛhyɛɛ Maria yam ma ɔwoo no sɛ onipa.—Kenkan Luka 1:30-32; Yohane 6:38; 8:23.

Adɛn nti na Onyankopɔn ma wɔwoo Yesu baa asase so? Adwuma titiriw bɛn na Yesu yɛe? Wubetumi anya saa nsɛmmisa no ho mmuae wɔ Bible mu, na ɛbɛboa wo ama woate nea Onyankopɔn ne Yesu ayɛ ama wo no ase, na woakyerɛ ho anisɔ.

 

SUA PII

Dɛn na Bible Kyerɛkyerɛ Ankasa?

Hena Ne Yesu Kristo?