Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Ɔwɛn-Aban—Nea Adesua Nsɛm Wom  |  April 2015

Dua a Wɔatwa Bɛtumi Afefɛ Bio?

Dua a Wɔatwa Bɛtumi Afefɛ Bio?

SƐ WODE ngodua a akyeakyea toto Lebanon kyeneduru tenten a ɛyɛ fɛ ho a, ɛte sɛ nea ngodua so nni mfaso biara. Nanso ɔpɛ bere mu oo, osutɔ bere mu oo, ngodua tumi gyina. Ebi adi bɛyɛ mfe 1,000. Ngodua nhini tumi kɔ fam paa, na sɛ wɔtwa dua no anaa ɛsɛe a, ɛtumi fefɛ bio. Bere dodow a ne nhini nwui no, ɛbɛfefɛ bio.

Ná ɔnokwafo Hiob gye di paa sɛ, sɛ owu mpo a, ɔbɛsan atena ase bio. (Hiob 14:13-15) Ɔde dua bi te sɛ ngodua yɛɛ mfatoho de kyerɛe sɛ ɔgye di sɛ Onyankopɔn bɛtumi anyane no afi awufo mu. Hiob kaa sɛ: “Dua mpo, anidasoɔ wɔ hɔ ma no. Sɛ wɔtwa a, ɛbɛsan afefɛ bio.” Sɛ ɔpɛ bere twam na osu tɔ a, ngodua dunsin a akyenkyen bɛtumi asan afefɛ bio na ‘ayiyi nnuban te sɛ dua foforo.’—Hiob 14:7-9.

Sɛnea okuafo hwɛ kwan sɛ ngodua a wɔatwa bɛsan afefɛ no, saa ara na Yehowa Nyankopɔn nso ho pere no sɛ ɔbɛnyane n’asomfo ne nnipa bebree a wɔawuwu no. (Mateo 22:31, 32; Yohane 5:28, 29; Asomafoɔ Nnwuma 24:15) Sɛ awufo nyane na yɛkɔhyia wɔn a, hwɛ sɛnea yɛn ani bɛgye sɛ wɔasan aba nkwa mu bio!