Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Nyan!  |  February 2014

 SO WƆBƆE?

Bogya Kanea

Bogya Kanea

BOGYA bi wɔ hɔ a ne kanea no, abena nketenkete bi katakata ho, na abena no tumi ma bogya kanea no hyerɛn paa ma ɛyɛ nwonwa. *

Abena a apagyapagya

Susuw ho hwɛ: Nhwehwɛmufo ahu sɛ abena nketenkete a ɛwɔ kanea no ho no, ebiara da bi so te sɛ tiles a yɛde bɔ dan so. Abena no ano apagyapagya na kwan deda mu. Akwan a ɛdeda mu no yɛ nketenkete paa ma woanhwɛ a wunhu mpo sɛ ano apagyapagya. Ano a apagyapagya no nti, kanea no hyerɛn kɛse paa. Sɛ ano no akeka asi anim pɛpɛɛpɛ a, anka ɛrentumi nhyerɛn saa.

Anyinam kanea nketewa bi wɔ hɔ a yɛfrɛ no LED. Sɛ yɛhwɛ bogya yɛbea yi a, wunnye nni sɛ yebetumi de nyansa a ɛwom no ayɛ adwuma ama saa anyinam nkanea yi ahyerɛn kɛse? Nyansahufo asɔ ahwɛ. Wɔde saa nkanea no bi hyehyɛɛ biribi a ano apagyapagya mu te sɛ bogya deɛ no. Ekosii sɛn? Nea ekosii ne sɛ LED kanea no hyerɛn paa. Asɛm a nyansahufo Annick Bay kae ne sɛ: “Nhwehwɛmu a yɛyɛe yi, nea yehui paa ne sɛ, sɛ yɛgyene yɛn ani hwɛ abɔde a, yebetumi asua nneɛma bebree.”

Wususuw ho dɛn? Bogya kanea no, wugye di sɛ ɛno ara na ɛbae? Anaasɛ obi na ɔbɔe?

^ nky. 3 Bogya ahorow pii na ɛwɔ hɔ nanso ɛnyɛ ne nyinaa na nyansahufo asua wɔn ho ade.