Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Ɔwɛn-Aban  |  No. 4 2016

 ASƐM A ƐDA SO | BIBLE—NHOMA A BIRIBIARA ANTUMI ANSƐE NO

Nea Enti a Bible no Da So Ara Wɔ Hɔ

Nea Enti a Bible no Da So Ara Wɔ Hɔ

Bible no da so ara wɔ hɔ. Ɛno nti nnɛ, wubetumi anya bi na woakenkan. Sɛ Bible a wowɔ no yɛ nea wɔakyerɛ ase yiye a, wubetumi anya ahotoso sɛ nea Bible akyerɛwfo no ankasa kyerɛwee no na worekenkan no. * Nea enti a Bible no da so ara wɔ hɔ no yɛ nwonwa. Ɛyɛɛ dɛn na ansuw, atamfo antumi ansɛe no, na wɔantumi ansesa emu nsɛm no? Dɛn koraa na ɛma saa nhoma yi yɛ soronko?

“Seesei, mahu paa sɛ Bible a mewɔ no yɛ akyɛde a efi Onyankopɔn hɔ”

Bible asuafo pii ne ɔsomafo Paulo yɛ adwene wɔ asɛm a ɔkyerɛwee yi ho. Ɔkae sɛ: “Kyerɛwnsɛm no nyinaa fi Onyankopɔn honhom mu.” (2 Timoteo 3:16) Wogye di paa sɛ Onyankopɔn akora Bible no so de abesi nnɛ, efisɛ ɛyɛ nhoma a ɛda nsow a efi Ne hɔ. Faizal a yɛaka ne ho asɛm dedaw no de sii n’ani so sɛ obesua Bible no na woatumi ahu nea ɛwɔ mu. Nea ohui no maa ne ho dwiriw no. Obehui sɛ nkyerɛkyerɛ a asɔreasɔre pii kura mu wɔ Kristosom mu no, ennyina Bible no so. Afei nso, Bible no ma ohuu nea nti a Onyankopɔn bɔɔ asase, na ɛkaa ne koma paa.

Ɔkae sɛ: “Seesei, mahu paa sɛ Bible a mewɔ no yɛ akyɛde a efi Onyankopɔn hɔ. Wo de hwɛ o, sɛ Onyankopɔn na ɔbɔɔ ɔsoro ne asase a, enti onni tumi sɛ ɔbɛma yɛn nhoma na wakora so? Sɛ migye wei ho kyim a, na ɛkyerɛ sɛ minnye nni sɛ Onyankopɔn wɔ tumi. Me sɛɛ ne hena sɛ mɛtew ade nyinaa so Tumfoɔ no tumi so?”—Yesaia 40:8.

^ nky. 3 Hwɛ asɛm a wɔato din “Wobɛyɛ Dɛn Apaw Bible Nkyerɛase a Eye?” Ɛwɔ May 1, 2008 Ɔwɛn-Aban mu.

SUA PII

ƆWƐN-ABAN

Adɛn Nti na Ɛsɛ sɛ Wosua Bible Te Ase?

Nnipa pii ntoto nwoma kronkron yi ase, nanso wɔnnim mfaso a ɛwɔ so.