Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Ɔwɛn-Aban  |  No. 2 2017

Nna a edi akyiri no ba awiei a, wɔn a wobenya nkwa no bɛtena paradise wɔ asase so

Dɛn na Bible Aka?

Dɛn na Bible Aka?

Wohwɛ a yɛwɔ “nna a edi akyiri mu”?

Wubebua sɛn?

  • Aane

  • Dabi

  • Ebia

Nea Bible aka

“Nna a edi akyiri mu no, mmere a emu yɛ den bɛba.” (2 Timoteo 3:1) Bible nkɔmhyɛ ne nneɛma a seesei ɛresisi nyinaa ma yehu sɛ yɛwɔ “nna a edi akyiri mu.”

Dɛn bio na Bible aka?

  • Nna a edi akyiri mu no, yebehu akokoakoko, ɔkɔm ne asasewosow, na yare akɛse betu atese.—Mateo 24:3, 7; Luka 21:11.

  • Nna a edi akyiri mu no, nnipa abrabɔ bɛsɛe pɔtɔɔ na nkurɔfo remfa nyamesom nyɛ hwee.—2 Timoteo 3:2-5.

Nnipa daakye bɛyɛ sɛn?

Ebinom gye di sɛ . . . nna a edi akyiri no ba awiei a, wɔbɛsɛe asase ne ɛso nnipa nyinaa. Nanso ebinom gye di sɛ nneɛma bɛyɛ yiye. Wudwen ho sɛn?

Nea Bible aka

“Treneefo benya asase no adi, na wɔatena so daapem.”Dwom 37:29.

Dɛn bio na Bible aka?