Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Henanom na Wɔreyɛ Yehowa Apɛde Nnɛ?

 Adesua 7

Dɛn na Yɛyɛ Wɔ Yɛn Nhyiam Ahorow Ase?

Dɛn na Yɛyɛ Wɔ Yɛn Nhyiam Ahorow Ase?

New Zealand

Japan

Uganda

Lithuania

Nea na tete Kristofo no yɛ wɔ wɔn nhyiam ahorow ase ara ne nnwonto, mpaebɔ, ne Kyerɛwnsɛm no a na wɔkenkan susuw ho—ná wɔnyɛ ɔsom mu amanne biara wɔ ase. (1 Korintofo 14:26) Sɛ woba yɛn nhyiam ahorow ase a, saa pɛpɛɛpɛ na wubehu sɛ yɛreyɛ.

Nkyerɛkyerɛ no gyina Bible so, na mfaso wɔ so. Asafo biara hyiam dapɛn awiei de simma 30 tie ɔkasa a egyina Bible so, na wɔkyerɛkyerɛ yɛn ma yehu sɛnea Kyerɛwnsɛm no fa yɛn asetena ne mmere a yɛte mu yi ho. Wɔhyɛ yɛn nyinaa nkuran sɛ yɛnhwɛ yɛn ankasa Bible mu nni ɔkasafo no akyi. Sɛ wɔma ɔkasa no wie a, yɛde dɔnhwerew biako yɛ “Ɔwɛn-Aban” Adesua, na wɔhyɛ atiefo no nkuran ma wɔma mmuae bere a yɛresusuw Ɔwɛn-Aban a adesua nsɛm wom no mu asɛm bi ho no. Saa adesua yi boa yɛn ma yɛde Bible akwankyerɛ yɛ adwuma wɔ yɛn asetena mu. Yesua asɛnkoro no ara wɔ yɛn asafo ahorow bɛboro 110,000 a ɛwɔ wiase nyinaa no mu biara mu.

Wɔboa yɛn ma yetumi kyerɛkyerɛ yiye. Yɛsan nso hyiam wɔ dapɛn no mu yɛ asafo nhyiam a ɛwɔ afã abiɛsa. Ɔfã a edi kan no yɛ Asafo Bible Adesua a yɛde simma 30 yɛ, na ɛyɛ nsɛmmisa ne mmuae a ɛma yɛte Kyerɛwnsɛm no mu nnyinasosɛm ne Bible nkɔmhyɛ ase yiye. Nea edi hɔ no yɛ Teokrase Ɔsom Sukuu a yɛde simma 30 yɛ, na nea yesusuw ho de fi ase ne Bible no fã bi a asafo no mufo adi kan akenkan. Ɛno akyi no, wɔn a wɔn din wɔ sukuu no mu no yɛ dwumadi ntiantiaa. Sukuu sohwɛfo no de afotu bi ma a ɛboa yɛn ma yɛn akenkan ne yɛn kasa tu mpɔn. (1 Timoteo 4:13) Nea etwa to no yɛ Ɔsom Nhyiam a yɛde simma 30 yɛ. Wɔnam ɔkasa ahorow, ɔyɛkyerɛ ahorow, ne nsɛm a wobisabisa afoforo so boa yɛn ma yehu sɛnea yɛde Bible no bɛkyerɛkyerɛ afoforo.

Sɛ woba yɛn asafo nhyiam ahorow no bi a, akyinnye biara nni ho sɛ Bible nkyerɛkyerɛ a edi mũ a wubenya no bɛma w’ani agye.—Yesaia 54:13.

  • Sɛ wokɔ Yehowa Adansefo nhyiam ahorow ase a, dɛn na wobɛte wɔ hɔ?

  • Asafo nhyiam ahorow a yɛyɛ no dapɛn biara no mu nea ɛwɔ he na w’ani begye ho sɛ wobɛkɔ bi?

SUA PII

ASAFO NHYIAM

Ɛdeɛn na Yɛyɛ wɔ Ahennie Asa So?

Hwɛ video yi na wobɛhu.

NSƐM A NKURƆFO TAA BISA

Nhyehyɛe Bɛn na Yehowa Adansefo Wɔ Wɔ Wɔn Asafo no Mu?

Kenkan na hu sɛnea wɔayɛ nhyehyɛe a wɔnam so de akwankyerɛ ma asafo ahorow no.