Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Henanom na Wɔreyɛ Yehowa Apɛde Nnɛ?

 Adesua 28

Dɛn na Wubetumi Ahu Wɔ Yɛn Intanɛt Dwumadibea Hɔ?

Dɛn na Wubetumi Ahu Wɔ Yɛn Intanɛt Dwumadibea Hɔ?

France

Poland

Russia

Yesu Kristo ka kyerɛɛ n’akyidifo sɛ: “Momma mo kanea nhyerɛn nnipa anim, na wɔahu mo nnwuma pa na wɔahyɛ mo Agya a ɔwɔ soro no anuonyam.” (Mateo 5:16) Ɛno nti, yɛde abɛɛfo mfiri a ebi ne Intanɛt redi dwuma yiye na ama yɛatumi ayɛ saa. Wubehu Yehowa Adansefo gyidi ne wɔn nnwuma ho nsɛm wɔ yɛn Intanɛt dwumadibea a wɔato din jw.org no. Dɛn na ɛwɔ hɔ?

Nsɛm a wɔtaa bisa ho mmuae a Bible de ma. Wubetumi anya nsɛm a ɛho hia sen biara a nkurɔfo abisa no bi ho mmuae wɔ hɔ. Wɔama saa nsɛmmisa yi mu asia ho mmuae wɔ kratawa a wɔato din sɛ So Wopɛ sɛ Wuhu Nokware No? a ɛwɔ kasa bɛboro 400 mu no mu wɔ dwumadibea hɔ. Wubetumi nso ahu Wiase Foforo Nkyerɛase no a ɛwɔ kasa bɛboro 100 mu ne nhoma ahorow a yɛde sua Bible a ebi ne Dɛn na Bible Kyerɛkyerɛ Ankasa? ne Ɔwɛn-Aban ne Nyan! a aba foforo wɔ hɔ. Wubetumi akenkan anaa woatie saa nhoma ahorow yi pii mu nsɛm wɔ Intanɛt no so, anaa woatwe no sɛ PDF, anaa EPUB, anaasɛ wode agu apaawa so abɔ atie. Wubetumi mpo atintim nkratafa kakra wɔ obi a n’ani gye asɛm no ho ankasa kasa mu na wo ne no akosusuw ho! Video pii a ɛwɔ mum kasa ahorow mu wɔ hɔ. Wubetumi atwe Bible a wɔakenkan, Bible drama ahorow, ne nnwom a ɛyɛ dɛ na woabɔ atie bere biara a wopɛ.

Yehowa Adansefo ho nokwasɛm. Nneɛma a wɔde gu hɔ no bi nso ne yɛn adwuma a yɛreyɛ wɔ wiase nyinaa no ho nsɛm foforo ne ɛho video, nsɛm a asisi a ɛfa Yehowa Adansefo ho, ne mmoa a yɛde ma wɔn a atoyerɛnkyɛm ato wɔn no ho nsɛm. Wubetumi ahu nhyiam ahorow a wɔrebɛyɛ ho amanneɛbɔ ne baa dwumadibea ahorow address wɔ hɔ.

Yɛnam eyinom so rema nokware hann no ahyerɛn adu asase ano nohoa tɔnn. Nkurɔfo a wɔte asasepɔn biara so, a Antarctica ka ho, rehu nokware hann no. Yɛbɔ mpae sɛ ‘Yehowa asɛm nkɔ so ntrɛw ntɛmntɛm’ nkɔ asase nyinaa so na ɛnhyɛ Onyankopɔn anuonyam.—2 Tesalonikafo 3:1.

  • Ɔkwan bɛn so na jw.org reboa nnipa pii ma wɔahu nokware a ɛwɔ Bible mu no?

  • Dɛn na wopɛ sɛ woyɛ ho nhwehwɛmu wɔ yɛn Intanɛt dwumadibea hɔ?