Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

W’abusua Betumi Anya Anigye

 ƆFÃ 9

Wo ne W’abusua Mmom Nsom Yehowa

Wo ne W’abusua Mmom Nsom Yehowa

“Monsom Nea ɔyɛɛ ɔsoro ne asase . . . no.”Adiyisɛm 14:7

Nhoma yi a wakenkan yi ama woahu sɛ afotu pii wɔ Bible mu a ebetumi aboa wo ne w’abusua. Yehowa pɛ sɛ w’ani gye, enti wahyɛ bɔ sɛ sɛ wode ne som di kan wɔ w’abrabɔ mu a, ‘ɔde nneɛma a aka yi nyinaa bɛka ho ama wo.’ (Mateo 6:33) Yehowa pɛ sɛ wobɛyɛ n’adamfo. Enti hokwan biara a wubenya no fa yɛ adwuma ma ɛntwe wo mmɛn no. Biribiara nni hɔ a ɛkyɛn sɛ obi bɛyɛ Onyankopɔn Adamfo.Mateo 22:37, 38.

 1 HYƐ WO NE YEHOWA ADAMFOFA MU DEN

NEA BIBLE NO KA: “‘Mɛyɛ mo agya, na moayɛ me mmabarima ne mmabea,’ ade nyinaa so Tumfoɔ Yehowa na ose.” (2 Korintofo 6:18) Onyankopɔn pɛ sɛ wobɛyɛ n’adamfo paa. Ɔkwan baako a wubetumi afa so ayɛ saa ne sɛ wobɛbɔ no mpae. Yehowa aka sɛ ‘nnnyae mpaebɔ da.’ (1 Tesalonikafo 5:17) Ɔpɛ sɛ woka wo komam asɛm ne wo haw kyerɛ no. (Filipifo 4:6) Sɛ wo ne w’abusua bom bɔ mpae a, wobehu sɛ wodɔ Onyankopɔn ampa.

Mpaebɔ nkutoo nnɔɔso, ɛsɛ sɛ wutie Onyankopɔn nso. Sɛ wusua Onyankopɔn Asɛm ne Bible ho nhoma ahorow a, ɛbɛboa wo ma woatie no. (Dwom 1:1, 2) Wusua ade a, ɛyɛ a dwinnwen ho. (Dwom 77:11, 12) Ade foforo a ebetumi aboa ma woatie Onyankopɔn ne sɛ wobɛkɔ Kristofo nhyiam daa.Dwom 122:1-4.

Sɛ woka Yehowa ho asɛm kyerɛ nkurɔfo a, ɛno nso bɛboa wo ma woahyɛ wo ne n’adamfofa no mu den. Da biara da a wobɛkɔ asɛnka no, ɛma wo bɛn Yehowa.Mateo 28:19, 20.

NEA WUBETUMI AYƐ:

  • Pɛ bere a da biara wode bɛkenkan Bible abɔ mpae

  • Wo ne w’abusua nyinaa mfa Onyankopɔn som nni kan wɔ mo asetenam, na ɛnnyɛ anigyede

2 MONKƆ SO NYƐ ABUSUA SOM

NEA BIBLE NO KA: “Mommɛn Onyankopɔn na ɔbɛbɛn mo.” (Yakobo 4:8) Ɛsɛ sɛ moyɛ nhyehyɛe a mode bɛyɛ abusua som,* na monhwɛ sɛ ɛbɛkɔ so. (Genesis 18:19) Nanso ɛno nkutoo nnɔɔso. Biribiara a wo ne w’abusua bɛyɛ no, ɛnsɛ sɛ momma mo werɛ fi Onyankopɔn da. Ka Onyankopɔn ho asɛm kyerɛ w’abusua “bere a wote wo fie, bere a wonam kwan so, bere a woda hɔ, ne bere a woasɔre,” na ɛnhyɛ mo ne N’adamfofa no mu den. (Deuteronomium 6:6, 7) Fa yɛ wo botae sɛ wobɛyɛ sɛ Yosua. Ɔkae sɛ: “Me ne me fie de, yɛbɛsom Yehowa.”Yosua 24:15.

NEA WUBETUMI AYƐ:

  • Hwɛ nea abusua no muni biara hia, na gyina so yɛ nhyehyɛe a ebetumi aboa obiara, na hwɛ sɛ nhyehyɛe no bɛkɔ so

SUA PII

HENANOM NA WƆREYƐ YEHOWA APƐDE NNƐ?

Dɛn Ne Abusua Som?

Sua sɛnea saa nhyehyɛe yi betumi aboa wo ma woabɛn Onyankopɔn na ahyɛ abusuabɔ a ɛwɔ w’abusua mu den no ho ade.

Dɛn na Bible Kyerɛkyerɛ Ankasa?

Sɛnea Wobɛma W’abusua Asetra Ayɛ Anigye