Yesu wui sɛnea ɛbɛyɛ a yebenya nkwa. Yohane 3:16

Yesu wui nnansa akyi no, mmea bi kɔɔ baabi a wosiee no no nanso na onni hɔ. Ná Yehowa anyan no afi awufo mu.

Akyiri yi Yesu yii ne ho adi kyerɛɛ n’asomafo no.

Yiw, na Yehowa anyan Yesu aba nkwa mu sɛ honhom abɔde a ɔwɔ tumi a onwu da. Yesu asuafo no huu no sɛ ɔrekɔ soro.

 Onyankopɔn nyanee Yesu de no sii n’Ahenni no so Hene. Daniel 7:13, 14

Yesu de ne nkwa mae de tuaa agyede maa adesamma. (Mateo 20:28) Onyankopɔn nam saa agyede no so bɛma yɛatena ase daa.

Yehowa apaw Yesu sɛ onni asase so Hene. Nnipa anokwafo 144,000 a wɔanyan wɔn afi asase so bɛkɔ akɔka ne ho wɔ soro. Yesu ne 144,000 no na wɔbom yɛ ɔsoro trenee nniso no​—Onyankopɔn Ahenni.​—Adiyisɛm 14:1-3.

Onyankopɔn Ahenni no bɛma asase ayɛ paradise. Ɔko, nsɛmmɔnedi, ohia, ne ɔkɔm befi hɔ. Nnipa benya anigye ankasa.​—Dwom 145:16.