Asase so haw kyerɛ sɛ ɛrenkyɛ Onyankopɔn Ahenni bɛba. Luka 21:10, 11; 2 Timoteo 3:1-5

Ná Bible no aka nneɛma a ɛresisi nnɛ no ho asɛm ato hɔ dedaw. Ɛkae sɛ nnipa bɛyɛ sikanibere, awofo so asoɔden, wɔn a wɔyɛ keka ne wɔn a wɔdɔ anigyede.

Asasewosow akɛse, akodi, aduan kɔm ne ɔyaredɔm bɛba. Eyinom nyinaa resisi nnɛ.

Yesu kae nso sɛ wɔbɛka Ahenni no ho asɛmpa wɔ asase so nyinaa.​—Mateo 24:14.

 Ahenni no beyi nneɛma bɔne nyinaa afi hɔ. 2 Petro 3:13

Ɛrenkyɛ Yehowa bɛsɛe abɔnefo nyinaa.

Wɔbɛtwe Satan ne n’adaemone no aso.

Wɔn a wotie Onyankopɔn no benya wɔn ti adidi mu akɔ wiase foforo bi a trenee te mu a ehu biara nni hɔ, wiase bi a emu nnipa no dodɔ wɔn ho na wɔwɔ wɔn ho mu ahotoso.