Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Krataa a Efi Akwankyerɛ Kuw no Hɔ

Krataa a Efi Akwankyerɛ Kuw no Hɔ

Onua a Wodɔ Yehowa:

Yesu kae sɛ: “Mubehu nokware no, na nokware no bɛma moade mo ho.” (Yohane 8:32) Hwɛ sɛnea asɛm yi hyɛ nkuran! “Nna a edi akyiri” a emu yɛ den na nkontompo ne atorodi abu so yi mu mpo no, yebetumi ahu nokware no ampa. (2 Timoteo 3:1) Wokae bere a wɔkyerɛkyerɛɛ Onyankopɔn Asɛm mu kyerɛɛ wo foforo ma wubehuu nokware no? Hwɛ sɛnea w’ani gyei!

Nanso sɛnea ehia sɛ yenya nokware no ho nimdeɛ na yɛka ho asɛm kyerɛ afoforo daa no, saa ara nso na ehia sɛ yɛbɔ yɛn bra ma ɛne nokware no hyia. Sɛ yɛbɛyɛ saa a, ehia sɛ yɛde yɛn ho sie Onyankopɔn dɔ mu. Dɛn na ehia sɛ yɛyɛ wɔ ho? Anadwo a Yesu rebewu no, ɔkaa biribi a ɛma yenya asɛm yi ho mmuae. Ɔka kyerɛɛ n’asomafo anokwafo no sɛ: “Sɛ mudi m’ahyɛde so a, mobɛtena me dɔ mu sɛnea madi Agya no ahyɛde so na mete ne dɔ mu no.”—Yohane 15:10.

Hyɛ no nsow sɛ, nea ɛmaa Yesu tenaa Onyankopɔn dɔ mu ne sɛ odii n’Agya ahyɛde so. Saa na ɛsɛ sɛ yɛn nso yɛyɛ nnɛ. Sɛ yɛbɛtena Onyankopɔn dɔ mu a, ehia sɛ yɛde nokware no bɔ yɛn bra da biara. Saa anadwo no ara, Yesu kae sɛ: “Sɛ munim eyinom na moyɛ a, mo ani begye.”—Yohane 13:17.

Nea yɛrehwɛ kwan ara ne sɛ nhoma yi bɛboa wo ma wode nokware no abɔ wo bra daa na ama wode wo ho asie ‘Onyankopɔn dɔ mu, bere a woretwɛn daa nkwa no.’—Yuda 21.

Yehowa Adansefo Akwankyerɛ Kuw