Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Yehowa Adansefo

Twi

Dɛn ne Onyankopɔn Ahenni?

Dɛn ne Onyankopɔn Ahenni?

W’adwene yɛ wo sɛ ɛyɛ . . .

  • biribi a ɛwɔ wo komam?

  • kasakoa?

  • ahenni anaa aban bi a ɛwɔ soro?

 NEA BIBLE AKA

“Ɔsoro Nyankopɔn bɛma ahenni bi so. Wɔrensɛe no da.”—Daniel 2:44, Wiase Foforo Nkyerɛase.

“Wɔama yɛn ɔbabarima, na n’ahenni bɛda ne mmati so.”Yesaia 9:6.

ƆKWAN BƐN SO NA ƐBƐBOA WO?

  •  Aban a ebedi nnipa so wɔ trenee mu bɛba ama wo nso woanya so mfaso.Yesaia 48:17, 18.

  •  Wubetumi anya apɔwmuden papa ne anigye a edi mu wɔ wiase foforo a ɛreba mu.Adiyisɛm 21:3, 4.

 ENTI NEA BIBLE AKA YI YƐ AMPA?

Nneɛma abien yi nti yebetumi aka sɛ ɛyɛ ampa:

  • Yesu bɛkyerɛɛ nea Onyankopɔn Ahenni bɛyɛ ama adesamma. Yesu kyerɛɛ n’asuafo sɛ wɔmmɔ mpae sɛ Onyankopɔn Ahenni mmra na Onyankopɔn apɛde nyɛ hɔ wɔ asase so. (Mateo 6:9, 10) Yesu yɛɛ biribi de kyerɛɛ sɛnea Onyankopɔn bebua saa mpaebɔ no.

    Bere a Yesu wɔ asase so no, ɔmaa wɔn a ɔkɔm de wɔn aduan, ɔsaa ayarefo yare, na onyanee awufo nso! (Mateo 15:29-38; Yohane 11:38-44) Esiane sɛ na Yesu bɛyɛ Onyankopɔn Ahenni no so hene nti, nneɛma a ɔyɛe no yɛ nhyira a Ahenni no de bɛbrɛ nnipa daakye no ho mpopoe.Adiyisɛm 11:15.

  • Nneɛma a ɛrekɔ so wɔ wiase ma yehu sɛ ɛrenkyɛ Onyankopɔn Ahenni bɛba. Yesu hyɛɛ nkɔm sɛ, sɛ bere reyɛ aso ama Ahenni no de asomdwoe aba asase so a, akokoakoko, ɔkɔm, ne asasewosow bɛhyɛ asase so ma.Mateo 24:3, 7.

    Ɛnnɛ saa nneɛma no aba mu. Enti yebetumi anya awerɛhyem sɛ ɛrenkyɛ koraa, Onyankopɔn Ahenni no beyi saa ɔhaw no nyinaa afi hɔ.

 HWƐ ASƐMMISA YI

Sɛ Onyankopɔn Ahenni ba a, asetena bɛyɛ sɛn?

Bible ma saa asɛm no ho mmuae wɔ DWOM 37:29 ne YESAIA 65:21-23.

SUA PII

ASƐMPA A EFI ONYANKOPƆN HƆ!

Dɛn Nti na Onyankopɔn Bɔɔ Asase?

Bible ma yehu nea enti a Onyankopɔn bɔɔ asase, bere a amanehunu to betwa, nea ɛbɛba asase so daakye, ne nea wɔn a wɔbɛtena so no benya.