Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Me Nhoma a Ɛka Bible Mu Nsɛm

Adesua 11: Nyankontɔn a Edi Kan

Adesua 11: Nyankontɔn a Edi Kan

WUNIM ade a edi kan a Noa yɛe bere a ɔne n’abusua fii adaka no mu bae no? Ɔbɔɔ afɔre maa Onyankopɔn. Wutumi hu sɛ ɔreyɛ eyi wɔ mfonini a ɛwɔ ase ha no mu. Noa de mmoa bɔɔ afɔre de daa Onyankopɔn ase sɛ wagye n’abusua afi nsuyiri kɛse no mu.

Adaka no ne nyankontɔn

Wugye di sɛ Yehowa ani gyee akyɛde no ho? Yiw. Enti ɔhyɛɛ Noa bɔ sɛ ɔremfa nsuyiri nsɛe wiase bio.

Ankyɛ na asase no so nyinaa woe, na Noa ne ne fifo fii asetra ase foforo wɔ adaka no akyi. Onyankopɔn hyiraa wɔn na ɔka kyerɛɛ wɔn sɛ: ‘Monwo mma pii. Momma nnipa nnɔɔso nkosi sɛ nnipa bɛba asase so nyinaa.’

Nanso akyiri yi, sɛ nnipa te nsuyiri kɛse no ho asɛm a, wobesuro sɛ ebia nsuyiri a ɛte saa bɛba bio. Enti Onyankopɔn maa wɔn biribi a ɛbɛma wɔakae ɛbɔ a wahyɛ sɛ ɔremfa nsuyiri mma asase nyinaa so bio no. Wunim ade a ɔde mae na akae wɔn? Ɛyɛ nyankontɔn.

Noa ne n’abusua

Yɛtaa hu nyankontɔn wɔ wim bere a nsu atɔ na owia apue akyi no. Nyankontɔn yɛ fɛ yiye. Woahu bi pɛn? Wuhu nea ɛwɔ mfonini yi mu no?

Nea Onyankopɔn kae ni: ‘Mehyɛ bɔ sɛ nsuyiri rensɛe nnipa ne mmoa a wɔwɔ asase so nyinaa bio da. Mede me nyankontɔn resi omununkum mu. Na sɛ nyankontɔn no pue a, mehu na makae me bɔhyɛ yi.’

Enti sɛ wuhu nyankontɔn a, dɛn na ɛsɛ sɛ ɛkae wo? Yiw, Onyankopɔn bɔ a wahyɛ sɛ ɔremfa nsuyiri kɛse nsɛe wiase bio no.

Genesis 5:21-24, 27; 6:5; Hebrifo 11:5; Yuda 14, 15.



Nsɛmmisa

  • Sɛ wohwɛ mfonini no a, bere a Noa fii adaka no mu bae no, dɛn na odii kan yɛe?
  • Nsuyiri no akyi no, dɛn na Onyankopɔn ka kyerɛɛ Noa ne ne fifo no sɛ wɔnyɛ?
  • Ɛbɔ bɛn na Onyankopɔn hyɛe?
  • Sɛ yehu nyankontɔn a, dɛn na ɛsɛ sɛ ɛkae yɛn?

Nsɛmmisa foforo

  • Kenkan Genesis 8:18-22.

    Yɛbɛyɛ dɛn abɔ afɔre a ‘ɛyɛ huam’ ama Yehowa nnɛ? (Gen. 8:21; Heb. 13:15, 16)

    Dɛn na Yehowa ka faa onipa koma ho, enti ahwɛyiye bɛn na ɛsɛ sɛ yɛyɛ? (Gen. 8:21; Mat. 15:18, 19)

  • Kenkan Genesis 9:9-17.

    Apam bɛn na Yehowa ne asase so abɔde nyinaa yɛe? (Gen. 9:10, 11)

    Bere tenten ahe na Nyankontɔn apam no bɛtra hɔ? (Gen. 9:16)

SUA PII

ƆWƐN-ABAN

Wɔkoraa Noa ne “Nnipa Baason So”

Bere a asɛnkɛse a na ebi mmae da sii wiase no, ɛyɛɛ dɛn na wɔkoraa Noa ne n’abusua so?