Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Kristofo Abrabɔ ne Yɛn Asɛnka—Adesua Nhoma  |  September 2017

 KRISTOFO ABRABƆ

Tete Wɔn Ma Wɔnkɔ So Nsom Yehowa

Tete Wɔn Ma Wɔnkɔ So Nsom Yehowa

Nea yɛahu ne sɛ, sɛ yɛyɛ no ntɛm tete adawurubɔfo a wɔyɛ foforo ma wɔde nsi ne ahokeka kɔ asɛnka daa a, mpɛn pii no, wɔbɛyɛ adawurubɔfo a wotu mpɔn. (Mme 22:6; Flp 3:16) Nyansahyɛ a edidi so yi betumi aboa wo na woato nhyɛase pa ama wo Bible suani a wabɛyɛ ɔdawurubɔfo foforo:

  • Wonya ma wo Bible suani kwan sɛ ɔnkɔ asɛnka a, yɛ ntɛm tete no. (km 8/15 1) Boa no na ɔmfa asɛnka nka nneɛma a ɔyɛ no nnawɔtwe biara no ho. (Flp 1:10) Ka nnipa a wɔwɔ asasesin no mu no ho asɛmpa. (Flp 4:8) Ɛyɛ a hyɛ no nkuran sɛ, sɛ ɔne kuw sohwɛfo ne adawurubɔfo foforo kɔ asɛnka a, obetumi asua nneɛma pii afi wɔn hɔ.​—Mme 1:5; km 10/12 6 ¶3

  • Sɛ wo Bible suani bɔ asu mpo a, kɔ so ara hyɛ no nkuran na tete no wɔ asɛnka adwuma no mu. Ehia sɛ woyɛ saa titiriw bere a onsuaa “Onyankopɔn Dɔ” nhoma no nwiei no.​—km 12/13 7

  • Sɛ wo ne ɔdawurubɔfo a ɔyɛ foforo reyɛ afie afie asɛnka a, ma w’asɛm mu nna hɔ na ɛnyɛ tiawa. Sɛ ɔne ofiewura bi kasa wie a, fi wo komam kamfo no. Ma no nyansahyɛ a ɛbɛma watu mpɔn.​—km 5/10 7