Mmebusɛm ti 31 ka nsɛm a emu yɛ duru a Ɔhene Lemuel maame de tuu no fo. Afotu pa a ne maame de maa no no, ɛboaa no ma ohuu nea ɔbɛhwɛ wɔ ɔbea bi ho ahu sɛ ɔyɛ ɔyere pa.

Ɔyere pa di nokware

31:10-12

  • Sɛ abusua no resi gyinae bi a, adwenkyerɛ a ɔde ba no, aba wom. Nanso ne nyinaa mu no, ɔbrɛ ne ho ase

  • Ne kunu gye no di sɛ obesi gyinae pa. Enti okunu no nhyɛ no sɛ biribiara a ɔbɛyɛ no, gye sɛ ohu no ansa

Ɔyere pa yɛ nsi anaa ɔdeyɛfo

31:13-27

  • Ɔnyɛ atotɔatotɔ na ɔnyɛ akɛsesɛm enti n’abusua tumi siesie wɔn ho kama na wodidi yiye

  • Ɔyere ne ho yɛ adwuma, na ɔhwɛ ne fiefo awia ne anadwo

Ɔyere pa mfa ne som nni agorɔ

31:30

  • Osuro Onyankopɔn na ɔyɛ nneɛma a ɛbɛma ɔne Onyankopɔn ntam ayɛ papa