Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Kristofo Abrabɔ ne Yɛn Asɛnka—Adesua Nhoma  |  January 2016

 KRISTOFO ABRABƆ

Yɛanya Hokwan sɛ Yebesisi Ahenni Asa ne Nhyiam Asa na Yɛasiesie

Yɛanya Hokwan sɛ Yebesisi Ahenni Asa ne Nhyiam Asa na Yɛasiesie

Asɔrefie a tete Israelfo sii no, na egye adwumaden ne sika. Nanso Israelfo no de ahokeka na esii. (1Be 29:2-9; 2Be 6:7, 8) Bere a wosii asɔrefie no wiei no, sɛ ɛba sɛ wɔne Onyankopɔn ntam yɛ papa a, wosiesie hɔ kama, nanso sɛ wɔne ne ntam sɛe a, na wogyaw hɔ basaa. (2Ah 22:3-6; 2Be 28:24; 29:3) Ɛnnɛ, Kristofo de wɔn bere pii ne wɔn ahoɔden boa ma wosisi Ahenni Asa ne Nhyiam Asa, na wosiesie hɔ, na wɔhwɛ adan no so yiye. Ɛyɛ hokwan kɛse a yɛanya sɛ yɛne Yehowa bom yɛ adwuma saa, na ɛka yɛn som ho.—Dw 127:1; Adi 7:15.

NEA YƐBƐYƐ DE ABOA

  • Yɛpɔn asafo nhyiam biara a, boa ma wonsiesie hɔ. Sɛ biribi nti worentumi mmoa a, hwɛ baabi a wote no na sɛ biribi da fam hɔ a woafa.

  • Sɛ edu Ahenni Asa so asiesie a, fa wo ho hyem bi. Sɛ nnipa pii yɛ adwuma no bi a, ɛma ɛyɛ mmerɛw na ɛyɛ anika.—lv 92-93 ¶18.

  • Sika a yebeyi de aboa. Ketewa biara nsua; sɛ “nkaprɛ mma abien a ɛnsom bo ahe biara” mpo na yebenya de aboa, na sɛ efi yɛn koma mu a, Yehowa ani gye ho.—Mr 12:41-44.

  • Sɛ asafo resisi adan anaa wɔresiesie na yebetumi akɔboa a, yɛnyɛ saa. Sɛ wunnim adansi ho hwee mpo a, wubetumi akɔboa.