NEA ENTI A ƐHO HIA: Yehowa ma nokware aba no nyin wɔ wɔn a “wɔpɛ daa nkwa” no komam. (Aso 13:48; 1Ko 3:7) Sɛ yɛreyɛ asɛnka adwuma no, na yɛde yɛn adwene si nnipa a wɔde nea wɔresua no bɔ wɔn bra no so boa wɔn a, ɛkyerɛ sɛ yɛne Yehowa abom reyɛ adwuma. (1Ko 9:26) Ɛsɛ sɛ Bible asuafo te ase sɛ, wobenya daa nkwa a, ehia sɛ wɔbɔ asu. (1Pe 3:21) Sɛ yebetumi aboa wɔn ma wɔabɛyɛ asuafo a, ehia sɛ yɛkyerɛkyerɛ wɔn ma wɔyɛ nsakrae wɔ wɔn asetenam. Bio nso, ɛsɛ sɛ yɛma wohu sɛnea wobetumi aka asɛm no na wɔakyerɛkyerɛ afoforo. Afei, ɛsɛ sɛ yɛboa wɔn ma wohyira wɔn nkwa so ma Yehowa.—Mt 28:19, 20.

SƐNEA WOBƐYƐ NO:

  • Boa Bible asuafo ma wonhu sɛ, nea enti a wɔresua ade ne sɛ “wobehu” Yehowa na wɔayɛ n’apɛde.—Yoh 17:3

  • Boa wɔn ma wɔnyɛ nsakrae wɔ wɔn abrabɔ mu, na wɔnkwati fekubɔne na wɔatumi anya nkɔso wɔ Onyankopɔn som mu

  • Wonnya mmɔɔ asu mpo a, hyɛ wɔn den na hyɛ wɔn nkuran. Wɔbɔ asu wie nso a, yɛ wɔn saa ara.—Aso 14:22

HWƐ VIDEO A YƐATO DIN YEHOWA NYANKOPƆN BƐBOA WO, NA BUA NSƐMMISA A EDIDI SO YI:

  • Nneɛma bɛn na ebetumi ahunahuna obi ama watwentwɛn ne nan ase sɛ obehyira ne ho so na wabɔ asu?

  • Ɔkwan bɛn so na asafo mu mpanyimfo betumi aboa Bible asuafo ama wɔanya nkɔso wɔ Onyankopɔn som mu?

  • Dɛn na Yesaia 41:10 ma yehu fa Yehowa ho?

  • Ɛwom, yɛnyɛ pɛ, nanso su ahorow bɛn na ebetumi ama yɛasom Yehowa yiye?

Yɛbɛyɛ dɛn ne Yehowa abom ayɛ adwuma de aboa afoforo ama wɔabɛyɛ asuafo?