Bere a Lot yere reguan afi Sodom no, adɛn nti na otwaa n’ani hwɛɛ n’akyi? Bible no nka ho asɛm. (Ge 19:17, 26) Yɛhwɛ kɔkɔbɔ a Yesu de mae wɔ saa asɛm no ho a, ɛbɛyɛ sɛ na n’ani agyina nneɛma a wagyaw wɔ n’akyi no. (Lu 17:31, 32) Sɛ yɛmpɛ sɛ yɛbɛhwere Onyankopɔn anim dom sɛnea ɛtoo Lot yere no a, dɛn na yebetumi ayɛ? Ɛnsɛ sɛ yɛma honam fam nneɛma a yɛrehwehwɛ no bɛyɛ ade titiriw wɔ yɛn asetenam. (Mt 6:33) Yesu kyerɛkyerɛe sɛ ‘yentumi nsom Onyankopɔn ne Ahonyade.’ (Mt 6:24) Nanso sɛ yehu sɛ honam fam nneɛma afi ase regye bere a yɛde som Onyankopɔn no nso ɛ? Yebetumi abɔ Yehowa mpae sɛ ɔmma yɛn nhumu na yɛahu baabi a ɛsɛ sɛ yɛyɛ nsakrae, na ɔmma yɛn akokoduru ne ahoɔden a yɛde bɛyɛ nsakrae no.

VIDEO A YƐAKYEKYƐM MMIƐNSA A YƐATO DIN MONKAE LOT YERE NO NO, HWƐ SƐ WOBƐKAE EMU NSƐM A, NA BUA NSƐMMISA A EDIDI SO YI:

  • Dɛn na mɛyɛ de akyerɛ sɛ ‘mekae Lot yere no’?

    Bere a abusuafo hyɛɛ Gloria sɛ ɔnyere ne ho mpɛ sika pii no, ɛkaa ne nsusuwii, ne kasa, ne ne nneyɛe sɛn?

  • Ɔkwan bɛn so na nea ɛtoo Lot yere no yɛ kɔkɔbɔ ma yɛn nnɛ?

  • Bible nnyinasosɛm a Joe ne n’abusua de yɛɛ adwuma no, ɛboaa wɔn sɛn?

  • Nnipa a Anna de ne ho bɔɔ wɔn wɔ adwumam no, ɛkaa ɔne Onyankopɔn abusuabɔ sɛn?

  • Sɛ nkurɔfo hyɛ yɛn sɛ yɛmfa sikapɛ nsi yɛn ani so a, adɛn nti na yehia akokoduru?

  • Ɛyɛɛ dɛn na Ben ne Gloria tumi maa Onyankopɔn som san bɛyɛɛ ade titiriw wɔ wɔn asetena mu?

  • Bible nnyinasosɛm bɛn na wuhu sɛ video yi ka ho asɛm?