Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Kristofo Abrabɔ ne Yɛn Asɛnka—Adesua Nhoma  |  April 2017

 KRISTOFO ABRABƆ

Ahenni Nnwom Ma Yenya Akokoduru

Ahenni Nnwom Ma Yenya Akokoduru

Bere a Paulo ne Silas gu afiase no, wɔtoo dwom yii Nyankopɔn ayɛ. (Aso 16:25) Yɛn bere yi so nso, yɛn mfɛfo gyidifo a na wɔwɔ Sachsenhausen nneduaban mu wɔ Nasi Germany too Ahenni nnwom. Bere a wotwaa wɔn asu kɔɔ Siberia nso, wɔtoo Ahenni nnwom. Nhwɛso yi ma yehu sɛ nnwom wɔ tumi paa. Enti sɛ Kristofo rehyia sɔhwɛ a, etumi ma wonya akokoduru.

Ɛrenkyɛ yebenya nnwom nhoma foforo no wɔ kasa pii mu. Yɛato din ‘Momfa Anigye Nto Dwom’ Mma Yehowa. Sɛ yenya yɛn deɛ a, yensua nnwom no wɔ abusua som ase ma emu nsɛm no nka yɛn tirim. (Efe 5:19) Yɛyɛ no saa na sɛ daakye bi yehyia sɔhwɛ a, honhom kronkron no bɛkaakae yɛn. Ahenni nnwom betumi aboa yɛn ama yɛde yɛn adwene asi yɛn anidaso no so. Sɛ yehyia sɔhwɛ a, ebetumi ahyɛ yɛn den ama yɛagyina mu. Sɛ yɛwɔ anigye mu nso a, emu nsɛm no betumi akanyan yɛn ama ‘yɛde anigye ato,’ na ahyɛ yɛn anidaso mu gya. (1Be 15:16; Dw 33:1-3) Enti momma yensua Ahenni nnwom no, na ɛbɛboa yɛn paa!

MONHWƐ VIDEO A YƐATO DIN DWOM A ƐHYƐƐ NNEDUAFO DEN NO. MOHWƐ WIE A, MUMMUA NSƐMMISA YI:

  • Ɛdɛn na ɛmaa Onua Frost hyehyɛɛ dwom no?

  • Sɛn na dwom no kanyan anuanom wɔ Sachsenhausen nneduaban no mu?

  • Mmere bɛn mu saa na Ahenni nnwom betumi ahyɛ wo den?

  • Ahenni nnwom bɛn na wopɛ sɛ wokyere gu wo tirim?