Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yosua 3:1-17

3  Na Yosua sɔree anɔpahema ne Israelfo nyinaa tu fii Sitim+ kɔɔ Yordan ho; na wɔdaa hɔ maa ade kyee ansa na wɔretwa.  Nnansa akyi+ no mpanyimfo+ no faa nsraban no mu,  na wɔka kyerɛɛ ɔman no sɛ: “Sɛ muhu sɛ Lewifo asɔfo no sõ Yehowa mo Nyankopɔn apam adaka+ no a, mumfi mo atenae na munni akyi.  Nanso momma kwan bɛyɛ basafa mpem abien nna mo ne no ntam;+ mommmɛn ho. Ɛno bɛma moahu ɔkwan a mobɛfa so, efisɛ momfaa ɔkwan no so da.”  Afei Yosua ka kyerɛɛ wɔn sɛ: “Monyɛ mo ho kronkron,+ efisɛ ɔkyena Yehowa bɛyɛ anwonwade wɔ mo mu.”+  Na Yosua ka kyerɛɛ asɔfo no sɛ: “Momfa apam adaka+ no na munni ɔman no anim.” Enti wɔfaa apam adaka no dii ɔman no anim.  Ɛnna Yehowa ka kyerɛɛ Yosua sɛ: “Efi nnɛ rekɔ mɛma wo so wɔ Israelfo nyinaa anim,+ na wɔahu sɛ sɛnea midii Mose akyi no+ saa ara na medi w’akyi.+  Na ka kyerɛ+ asɔfo a wɔsõ apam adaka no sɛ, ‘Sɛ mudu Yordan nsu no ano ara pɛ a, munnyina+ Yordan mu.’”  Yosua ka kyerɛɛ Israelfo no sɛ: “Mommra mmetie Yehowa mo Nyankopɔn asɛm.” 10  Ɛnna Yosua kae sɛ: “Afei mubehu sɛ Onyankopɔn teasefo bi wɔ mo mu,+ na ɔbɛpam Kanaanfo ne Hitifo ne Hiwifo ne Perisifo ne Girgasifo ne Amorifo ne Yebusifo afi mo anim.+ 11  Hwɛ, asase nyinaa wura no apam adaka di mo anim rekɔ Yordan mu. 12  Enti mompaw mmarima dumien mfi Israel mmusuakuw no mu, abusuakuw biara mu ɔbarima biako.+ 13  Na sɛ asɔfo a wɔsõ asase nyinaa Wura Yehowa adaka no de wɔn nan si Yordan nsu no mu ara pɛ a, nsu a efi atifi no betwa na agyina faako na ayɛ ɔtare kɛse.”+ 14  Na bere a ɔman no tu fii wɔn ntamadan mu a wɔrekotwa Yordan no, na asɔfo no sõ apam adaka+ no di ɔman no anim. 15  (Edu awitwa bere a na Yordan yiri fa ne kɔn so nyinaa.)+ Na bere a wɔn a wɔso adaka no duu Yordan nsu no ano na asɔfo a wɔso adaka no de wɔn nan sii nsu no mu ara pɛ, 16  nsu a efi atifi reba no nyinaa begyinaa faako. Ɛyɛɛ ɔtare kɛse+ wɔ akyirikyiri, wɔ Adam, kurow bi a ɛbɛn Saretan.+ Enti nsu a ɛsen kɔ Araba po, Nkyene Po,+ no mu no twae koraa ma ɔman no tumi twa kɔɔ Yeriko ntentenso. 17  Na asɔfo a wɔsõ Yehowa apam adaka no gyinae wɔ asase kesee+ so wɔ Yordan mfinimfini kyerebenn kosii sɛ Israel man no nyinaa faa asase kesee+ no so twaa Yordan wiei.

Ase Hɔ Nsɛm