Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yosua 23:1-16

23  Bere a Yehowa maa Israelfo no home+ fii wɔn atamfo a wɔatwa wɔn ho ahyia nyinaa nsam akyi nna pii a Yosua mfe akɔ anim na wabɔ akora+ no,  Yosua frɛɛ Israelfo nyinaa,+ mpanyimfo ne ahwɛfo ne atemmufo ne atitiriw,+ na ɔka kyerɛɛ wɔn sɛ: “Me de, me mfe akɔ anim na mabɔ akora.  Na moahu nea mo nti Yehowa mo Nyankopɔn de yɛɛ aman yi nyinaa;+ Yehowa mo Nyankopɔn na ɔko maa mo.+  Monhwɛ, mebɔɔ ntonto+ kyɛɛ aman a aka yi ne wɔn a mituu wɔn ase+ no nyinaa nsase maa mo mmusua no sɛ agyapade, fi Yordan de kosi Po Kɛse no ho wɔ atɔe fam.+  Yehowa mo Nyankopɔn na ɔpam wɔn fii mo anim,+ na ogyee wɔn nsase maa mo tenaa so, sɛnea Yehowa mo Nyankopɔn hyɛɛ mo bɔ no.+  “Enti momma mo bo nyɛ duru+ na monhwɛ sɛ mubedi nea wɔakyerɛw wɔ Mose mmara nhoma+ no mu nyinaa so, na mommman nnkɔ nifa anaa benkum.+  Na mommfa mo ho mmmɔ aman a aka wɔ mo nkyɛn yi ho.+ Mommmɔ wɔn anyame din,+ mommfa wɔn din nnka ntam,+ monnsom wɔn na monnkotow wɔn.+  Yehowa mo Nyankopɔn ho na momfa mo ho mfam,+ sɛnea moayɛ de abesi nnɛ yi.  Yehowa nso bɛpam aman akɛse a wɔn ho yɛ den afi mo anim.+ (Mo de, ɛde besi nnɛ, onipa biara ntumi nnyinaa mo anim.)+ 10  Mo mu biako pɛ betiw nnipa apem,+ efisɛ Yehowa mo Nyankopɔn na ɔko ma mo+ sɛnea wahyɛ mo bɔ no.+ 11  Monhwɛ+ mo kra so yiye daa na monnɔ Yehowa mo Nyankopɔn.+ 12  “Na sɛ mosan mo akyi+ de mo ho kɔfam aman a aka+ a mo ne wɔn te yi ho, na mo ne wɔn di ayeware+ anaa mo ne wɔn di nhwebom a, 13  ɛnde monhyɛ no nsow sɛ Yehowa mo Nyankopɔn renkɔ so mpam aman yi mfi mo anim.+ Na wɔbɛdan afiri ama mo na wɔabɛyɛ mpire wɔ mo akyi+ ne nsɔe wɔ mo aniwa mu akosi sɛ mo ase bɛtɔre afi asase pa a Yehowa mo Nyankopɔn de ama mo yi so.+ 14  “Ɛnnɛ merekɔ asase sofo nyinaa kwan,+ na munim mo koma nyinaa mu ne mo kra nyinaa mu sɛ nsɛmpa a Yehowa mo Nyankopɔn aka akyerɛ mo no mu asɛm biako mpo ntɔɔ fam. Ne nyinaa aba mu; biako mpo ntɔɔ fam.+ 15  Na munhu sɛ sɛnea asɛmpa a Yehowa mo Nyankopɔn ka kyerɛɛ mo no nyinaa aba mu no,+ saa ara na Yehowa de nnome no nyinaa bɛba mo so akosi sɛ ɔbɛtɔre mo ase afi asase pa a Yehowa mo Nyankopɔn de ama mo yi so,+ 16  efisɛ moabu Yehowa mo Nyankopɔn apam a ɔde ama mo no so, na moakɔsom anyame foforo akɔkotow wɔn.+ Na Yehowa abufuw bɛdɛw ahyɛ mo,+ na ɛrenni da bi na mo ase ahyew koraa afi asase pa a ɔde ama mo yi so.”+

Ase Hɔ Nsɛm