Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Yosua 21:1-45

21  Afei Lewi abusuakuw no mpanyimfo baa ɔsɔfo Eleasar+ ne Nun ba Yosua+ ne Israel agyanom mmusua mu atitiriw nkyɛn  wɔ Silo+ wɔ Kanaan asase so bɛka kyerɛɛ wɔn sɛ: “Yehowa nam Mose so kae sɛ momma yɛn nkurow a yɛbɛtena mu ne mfikyisase a yɛn mmoa bedidi so.”+  Enti Israelfo maa Lewifo+ no nkurow ne mfikyisase; woyii eyi fii wɔn agyapade mu, sɛnea Yehowa kae no.+  Afei wɔbɔɔ ntonto maa Kohatfo+ mmusua nyaa wɔn de, na Aaron mma asɔfo a wofi Lewi abusuakuw mu no nyaa nkurow dumiɛnsa fii Yuda+ ne Simeon+ ne Benyamin+ mmusua no hɔ.  Na wɔbɔɔ ntonto maa Kohat+ mma a aka no nso nyaa nkurow du fii Efraim+ ne Dan+ mmusua ne Manase+ abusuakuw fã no hɔ.  Na wɔbɔɔ ntonto maa Gerson+ mma no nyaa nkurow dumiɛnsa fii Isakar+ abusuakuw ne Aser+ abusuakuw ne Naftali+ abusuakuw ne Manase abusuakuw fã a ɛwɔ Basan+ no hɔ.  Na Merari+ mma mmusua nso nyaa nkurow dumien fii Ruben+ abusuakuw ne Gad+ abusuakuw ne Sebulon+ abusuakuw no hɔ.  Enti Israelfo bɔɔ ntonto+ de nkurow yi ne ɛho mfikyisase a mmoa bedidi so+ maa Lewi abusuakuw no, sɛnea Yehowa nam Mose so kae no.+  Na Yuda mma mmusua ne Simeon mma mmusua no de nkurow a wɔabobɔ din yi mae,+ 10  na ebedii Aaron mma a wɔyɛ Kohat asefo a wofi Lewi abusuakuw mu no nsam, efisɛ wɔn na wonyaa ntonto a edi kan no.+ 11  Enti wɔde Kiriat-Arba+ (efisɛ na Arba yɛ Anak agya),+ anaa Hebron,+ a ɛwɔ Yuda bepɔw so+ no ne ɛho mfikyisase nyinaa maa wɔn. 12  Na wɔde kurow no ho asase ne ne nkuraa nyinaa maa Yefune ba Kaleb sɛ n’agyapade.+ 13  Afei wɔde nkurow yi nso maa Aaron mma asɔfo no: Hebron+ a sɛ obi kum onipa+ a obeguan akɔ hɔ+ ne ɛho mfikyisase, Libna+ ne ɛho mfikyisase, 14  Yatir+ ne ɛho mfikyisase, Estemoa+ ne ɛho mfikyisase, 15  Holon+ ne ɛho mfikyisase, Debir+ ne ɛho mfikyisase, 16  Ain+ ne ɛho mfikyisase, ne Yuta+ ne Bet-Semes+ ne ɛho mfikyisase. Wonyaa nkurow akron fii mmusua abien yi hɔ. 17  Nkurow a wonyae wɔ Benyamin abusuakuw no hɔ ni: Gibeon+ ne ɛho mfikyisase, Geba+ ne ɛho mfikyisase, 18  Anatot+ ne ɛho mfikyisase, ne Almon+ ne ɛho mfikyisase; nkurow anan. 19  Enti nkurow a Aaron mma+ asɔfo no nyae nyinaa yɛ nkurow dumiɛnsa ne ɛho mfikyisase.+ 20  Na wɔbɔɔ ntonto no, Kohat mma mmusua a aka a wɔn nyinaa yɛ Lewifo no nso nyaa nkurow fii Efraim+ abusuakuw no nkyɛn. 21  Nkurow a wɔde maa wɔn ni: Sekem+ a sɛ obi kum onipa+ a obeguan akɔ hɔ+ ne ɛho mfikyisase+ wɔ Efraim bepɔw so, Geser+ ne ɛho mfikyisase, 22  Kibsaim+ ne ɛho mfikyisase, ne Bet-Horon+ ne ɛho mfikyisase; nkurow anan. 23  Nkurow a wonyae wɔ Dan abusuakuw no hɔ ni: Elteke ne ɛho mfikyisase, Gibeton+ ne ɛho mfikyisase, 24  Ayalon+ ne ɛho mfikyisase, ne Gat-Rimon+ ne ɛho mfikyisase; nkurow anan. 25  Nkurow a wonyae wɔ Manase abusuakuw fã no hɔ ni: Taanak+ ne ɛho mfikyisase, ne Gat-Rimon ne ɛho mfikyisase; nkurow abien. 26  Nkurow a Kohat mma mmusua a aka no nyae nyinaa yɛ nkurow du ne ɛho mfikyisase. 27  Gerson+ mma a wɔyɛ Lewifo no nso nyaa nkurow. Nkurow a wonyae wɔ Manase abusuakuw fã+ no asase so ni: Golan+ a sɛ obi kum onipa a obeguan akɔ hɔ ne ɛho mfikyisase wɔ Basan, ne Beestera+ ne ɛho mfikyisase; nkurow abien. 28  Nkurow a wonyae wɔ Isakar+ abusuakuw no hɔ ni: Kision+ ne ɛho mfikyisase, Daberat+ ne ɛho mfikyisase, 29  Yamut+ ne ɛho mfikyisase, ne En-Ganim+ ne ɛho mfikyisase; nkurow anan. 30  Nkurow a wonyae wɔ Aser+ abusuakuw no hɔ ni: Misal+ ne ɛho mfikyisase, Abdon+ ne ɛho mfikyisase, 31  Helkat+ ne ɛho mfikyisase, ne Rehob+ ne ɛho mfikyisase; nkurow anan. 32  Nkurow a wonyae wɔ Naftali+ abusuakuw no hɔ ni: Kedes+ a ɛwɔ Galilea a sɛ obi kum onipa+ a obeguan akɔ hɔ+ ne ɛho mfikyisase, Hamot-Dor+ ne ɛho mfikyisase, ne Kartan ne ɛho mfikyisase; nkurow abiɛsa. 33  Enti nkurow a Gerson mma mmusua no nyae nyinaa yɛ nkurow dumiɛnsa ne ɛho mfikyisase. 34  Lewifo a na wɔaka ne Merari+ mma mmusua no. Na nkurow a wonyae wɔ Sebulon+ abusuakuw no hɔ ni: Yokneam+ ne ɛho mfikyisase, Karta ne ɛho mfikyisase, 35  Dimna+ ne ɛho mfikyisase, ne Nahalal+ ne ɛho mfikyisase; nkurow anan. 36  Nkurow a wonyae wɔ Ruben+ abusuakuw no hɔ ni: Beser+ ne ɛho mfikyisase, Yahas+ ne ɛho mfikyisase, 37  Kedemot+ ne ɛho mfikyisase, ne Mefaat+ ne ɛho mfikyisase; nkurow anan. 38  Nkurow a wonyae wɔ Gad+ abusuakuw no hɔ ni: Ramot a ɛwɔ Gilead a sɛ obi kum onipa a obeguan akɔ hɔ ne ɛho mfikyisase,+ Mahanaim+ ne ɛho mfikyisase, 39  Hesbon+ ne ɛho mfikyisase, Yaser+ ne ɛho mfikyisase; nkurow no nyinaa yɛ anan. 40  Enti wɔbɔɔ ntonto no, nkurow a Lewifo a na wɔaka a wɔyɛ Merari+ mma mmusua no nyae nyinaa yɛ dumien. 41  Nkurow a Lewifo no nyae wɔ Israelfo asase so nyinaa yɛ nkurow aduanan awotwe+ ne ɛho mfikyisase.+ 42  Ná mfikyisase atwa nkurow yi nyinaa ho ahyia; saa na na nkurow no nyinaa te.+ 43  Enti Yehowa de asase a ɔkaa ntam sɛ ɔde bɛma wɔn agyanom+ no nyinaa maa Israelfo tenaa so.+ 44  Na baabi a wɔwɔ biara no, Yehowa ma wɔhomee+ sɛnea ɔkaa ho ntam+ kyerɛɛ wɔn agyanom no, na wɔn atamfo no mu biara antumi annyina wɔn anim.+ Yehowa de wɔn atamfo nyinaa hyɛɛ wɔn nsa.+ 45  Nneɛma pa a Yehowa de hyɛɛ Israelfo bɔ no mu biako mpo antɔ fam; ne nyinaa baa mu.+

Ase Hɔ Nsɛm