Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yosua 17:1-18

17  Na wɔbɔɔ ntonto+ maa Manase+ abusuakuw no nyaa asase, efisɛ ɔno ne Yosef ba panyin,+ na ebedii Manase ba panyin Makir,+ Gilead+ papa, nsam, efisɛ na ɔyɛ ɔsabarima;+ na wɔde Gilead+ ne Basan maa no.  Wɔbɔɔ ntonto maa Manase mma a aka no mmusua nso nyaa asase. Enti wɔkyɛ maa Abiesar+ asefo ne Helek+ asefo ne Asriel asefo ne Sekem+ asefo ne Hefer asefo ne Semida+ asefo. Eyinom ne Yosef ba Manase mmabarima mmusua.  Manase ba ne Makir, na Makir ba ne Gilead. Na Gilead ba Hefer nso ba ne Selofehad.+ Na Selofehad nni ɔbabarima biara; ne mma nyinaa yɛ mmea na wɔn din ne Mahla, Noa, Hogla, Milka, ne Tirsa.+  Mmea yi baa ɔsɔfo Eleasar+ ne Nun ba Yosua ne mpanyimfo no nkyɛn bɛkae sɛ: “Yehowa ka kyerɛɛ Mose sɛ ɔmma yɛn agyapade wɔ yɛn nuabarimanom mu.”+ Enti ɔmaa wɔn agyapade wɔ wɔn papa nuanom mu sɛnea Yehowa hyɛe no.+  Manase nyaa nsase du; ɛsono Gilead ne Basan asase a ɛwɔ Yordan agya no;+  na Manase mmabea no nyaa agyapade wɔ ne mmabarimanom mu; na Gilead asase no bɛyɛɛ Manase mma nkae no agyapade.  Manase hye no fi Aser kɔ Mikmetat,+ wɔ Sekem+ anim. Ɔhye no fi hɔ fa nifa so kɔ En-Tapuafo asase so.  Tapua+ asase no bedii Manasefo nsam, nanso Tapua kurow a ɛwɔ Manase hye so no yɛ Efraimfo dea.  Ɔhye no fa Kana subon ho kɔ anafo de kɔfa Efraim nkurow a ɛwɔ subon ho no mu,+ wɔ Manase nkurow no mfinimfini. Na Manase hye no wɔ subon no atifi, na ano kɔpem po no ho.+ 10  Enti na Efraim wɔ anafo na Manase nso wɔ atifi; ne hye kɔpem po no ano.+ Wɔne Aser bɔ hye wɔ atifi na wɔne Isakar nso bɔ hye wɔ apuei. 11  Manase+ benyaa nkurow a edidi so yi ne ɛho nkuraa ne emu nnipa wɔ Isakar ne Aser nsase so: Bet-Sean+ ne Yibleam+ ne Dor+ ne En-Dor+ ne Taanak+ ne Megido,+ ne nkurow abiɛsa a egu nkoko so. 12  Manasefo antumi anko amfa nkurow yi,+ enti Kanaanfo kɔɔ so tenaa asase no so.+ 13  Afei bere a Israelfo ho yɛɛ den+ no, wɔmaa Kanaanfo no yɛɛ nkoadwuma,+ nanso wɔantu wɔn amfi hɔ koraa.+ 14  Na Yosef mma no kobisaa Yosua sɛ: “Bere a Yehowa ahyira me abedu sesɛɛ ma mayɛ ɔman kɛse+ yi, adɛn nti na woatwa asase biako pɛ ama me sɛ m’agyapade?”+ 15  Ɛnna Yosua ka kyerɛɛ wɔn sɛ: “Sɛ woyɛ ɔman kɛse a, ɛnde kobu kwae a ɛwɔ Perisifo+ ne Refaimfo+ asase so no fa, efisɛ bepɔw so+ asase a ɛwɔ Efraim no sua ma wo.” 16  Na Yosef mma no kae sɛ: “Bepɔw no sua ma yɛn, na Kanaanfo a wɔte asasetaw no so nyinaa, wɔn a wɔte Bet-Sean+ ne ɛho nkurow mu ne Yesreel+ bon mu no, wɔ nteaseɛnam+ a wɔde nnade ayɛ.” 17  Enti Yosua ka kyerɛɛ Yosef fie, Efraim ne Manase, sɛ: “Woyɛ ɔman kɛse na wo ho yɛ den ankasa.+ Ɛnyɛ asase biako na ɛsɛ sɛ wunya,+ 18  na mmom bepɔw no so bɛyɛ wo dea.+ Ɛyɛ kwae, enti bu fa, na ɛhɔ na w’asase no ano bɛpem. Kanaanfo no ho yɛ den na wɔwɔ nnade nteaseɛnam de, nanso pam wɔn fi hɔ.”+

Ase Hɔ Nsɛm