Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yosua 16:1-10

16  Bere a wɔbɔɔ ntonto+ kyɛɛ asase no, na Yosef+ asefo no hye fi Yordan+ agya a ɛbɛn Yeriko kosi Yeriko nsu ho wɔ apuei, sare a efi Yeriko foro kɔ Betel+ mmepɔw so no.  Na asase no san kɔfa Betel a ɛwɔ Lus+ twam kɔ Arkifo+ hye so wɔ Atarot,  na esian kɔ atɔe kɔfa Yafletfo hye so de kosi Anafo Bet-Horon+ hye so, na efi hɔ kɔ Geser+ kɔpem po no ano.+  Na Yosef mma+ Manase ne Efraim+ nyaa wɔn asase.+  Asase a Efraim asefo mmusua no nyae no hye a ɛwɔ apuei no fi Atarot-Adar+ de kosi Atifi Bet-Horon;+  na ɔhye no kɔfa po no ano. Ná Mikmetat+ wɔ atifi fam, na ɔhye no kɔntɔn fa apuei kɔ Taanat-Silo, na etwam kɔ apuei kodu Yanoa.  Na esian fi Yanoa kɔ Atarot ne Naara, na ɛkɔfa Yeriko+ kɔ Yordan.  Ɔhye no fi Tapua+ toa so kɔ atɔe kodu Kana subon+ ho, na efi hɔ kɔ po no ano.+ Eyi ne Efraim asefo ne wɔn mmusua no asase.  Afei Efraimfo nyaa nkurow+ wɔ Manasefo asase so, nkurow ne ɛho nkuraa nyinaa. 10  Nanso wɔampam Kanaanfo+ a na wɔwɔ Geser+ no, enti Kanaanfo kɔɔ so tenaa Efraimfo mu de besi nnɛ,+ na wɔde wɔn yɛɛ nkoadwuma.+

Ase Hɔ Nsɛm