Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Yosua 15:1-63

15  Bere a wɔbɔɔ ntonto+ kyɛɛ asase no, Yuda asefo ne wɔn mmusua no hye kɔfaa Edom,+ Sina sare so,+ kosi Negeb+ anafo.  Na wɔn hye a ɛda anafo no fi Nkyene Po+ no ano, faka a ani kyerɛ anafo fam no ano.  Ɛkɔfa anafo fam kɔ Akrabim+ koko so kosi Sina,+ na efi anafo kɔfa Kades-Barnea+ twam kɔ Hesron, na ɛkɔfa Adar kɔntɔn kɔ Karka.  Afei etwam kɔ Asmon+ kɔfa Egypt subon+ no ho, na ɔhye no ano kɔpem mpoano. Eyi ne wɔn hye a ɛda anafo fam no.  Wɔn hye a ɛda apuei no nam Nkyene Po no ano de kosi Yordan agya. Na atifi fam hye no fi po no ho faka no ho wɔ Yordan agya.+  Na hye no san kɔfa Bet-Hogla+ twam kɔ Bet-Araba+ atifi, na ɛforo kɔ Ruben ba Bohan+ bo no ho.  Ɛsan kɔfa Debir wɔ Akor bon+ no mu, na ɛdan kɔ atifi kodu Gilgal+ a ɛda Adumim koko anim wɔ subon no anafo. Na ɔhye no twam kɔfa En-Semes+ nsu no ho kɔpem En-Rogel.+  Na ɔhye no toa so kɔfa Hinom ba bon+ no ano kosi Yebusi+ koko so wɔ anafo, kyerɛ sɛ Yerusalem.+ Na ɛforo kɔ bepɔw a ani kyerɛ Hinom bon no atɔe fam wɔ Refaim bon+ no atifi fam.  Na ɔhye no fi mmepɔw so kɔ Neftoa+ asuti ho, na efi hɔ kɔfa nkurow a ɛwɔ Bepɔw Efron so no ho; na ɛtoa so kɔ Baala+ a wɔfrɛ no Kiriat-Yearim.+ 10  Na ɔhye no fi Baala wɔ atɔe kɔfa Bepɔw Seir ho, na ɛkɔ atifi fam kɔfa Bepɔw Yearim ho, kyerɛ sɛ Kesalon; na esian kɔfa Bet-Semes+ kɔ Timna.+ 11  Ɔhye no kɔfa Ekron+ koko so wɔ atifi fam, na efi hɔ kɔ Sikeron twam kɔ Bepɔw Baala no ho, na efi hɔ kɔ Yabneel; ɔhye no kɔpem po no ano. 12  Na atɔe fam hye no nso nam Po Kɛse+ no ano. Eyi ne Yuda asefo mmusua no asase no hye ano nyinaa. 13  Yefune ba Kaleb+ de, ɔmaa no asase wɔ Yudafo mu sɛnea Yehowa ka kyerɛɛ Yosua no; ɛno ne Kiriat-Arba (efisɛ na Arba yɛ Anak agya). Saa kurow yi ara ne Hebron.+ 14  Na Kaleb tuu Anak mma baasa no fii hɔ.+ Anak mma yi ne+ Sesai,+ Ahiman, ne Talmai.+ 15  Ofi hɔ kɔɔ Debirfo+ so. (Kan no na wɔfrɛ Debir sɛ Kiriat-Sefer.)+ 16  Afei Kaleb kae sɛ: “Nea obetumi ako afa Kiriat-Sefer no, mede me babea Aksa+ bɛma no aware.” 17  Ɛnna Kaleb nua Kenas+ ba Otniel+ kɔko fae, enti ɔde ne babea Aksa+ maa no waree. 18  Na ɔbea no rekɔ fie no, osii so ka kyerɛɛ ne kunu sɛ ommisa asase mfi ne papa nkyɛn. Afei bere a Aksa te afurum so no, ɔbɔɔ ne nsam frɛɛ ne papa. Ɛnna Kaleb bisaa no sɛ: “Dɛn na wopɛ?”+ 19  Na ɔka kyerɛɛ no sɛ: “Mesrɛ wo, hyira me. Asase a ɛda anafo na wode maa me, enti fa Gulot-Maim ma me.” Na ɔde Gulot Atifi ne Gulot Anafo+ maa no. 20  Eyi ne agyapade+ a wɔde maa Yuda+ asefo ne wɔn mmusua. 21  Yuda abusuakuw no nkurow a ɛda anafo fam a ɛbɛn Edom+ hye pɛɛ no ne Kabseel,+ Eder, Yagua, 22  ne Kina, Dimona, Adada, 23  ne Kedes, Hasor, Yitnan, 24  ne Sif, Telem,+ Bealot, 25  ne Hasor-Hadata, Keriot-Hesron, anaa Hasor, 26  ne Amam, Sema, Molada,+ 27  ne Hasar-Gada, Hesmon, Bet-Pelet,+ 28  ne Hasar-Sual,+ Beer-Seba,+ Bisiotia, 29  ne Baala,+ Yim, Esem,+ 30  ne Eltolad, Kesil, Horma,+ 31  ne Siklag,+ Madmana, Sansana, 32  ne Lebaot, Silhim, Ain,+ ne Rimon;+ nkurow aduonu akron ne ɛho nkuraa. 33  Sefela+ nso, nkurow a ɛwɔ hɔ ne Estaol,+ Sora,+ Asnah, 34  ne Sanoa,+ En-Ganim, Tapua, Enam, 35  ne Yamut,+ Adulam,+ Soko,+ Aseka,+ 36  ne Saaraim,+ Aditaim, Gedera, ne Gederotaim; nkurow dunan ne ɛho nkuraa. 37  Senan, Hadasa, Migdal-Gad, 38  ne Dilean, Mispe, Yokteel, 39  ne Lakis,+ Boskat,+ Eglon,+ 40  ne Kabon, Lamam, Kitlis, 41  ne Gederot, Bet-Dagon, Naama, ne Makeda;+ nkurow dunsia ne ɛho nkuraa. 42  Libna,+ Eter,+ Asan, 43  ne Yifta, Asnah, Nesib, 44  ne Keila,+ Aksib,+ ne Maresa;+ nkurow akron ne ɛho nkuraa. 45  Ekron+ ne ɛho nkurow ne nkuraa. 46  Efi Ekron kɔ atɔe fam nsase a ɛwɔ Asdod ne ɛho nkuraa nyinaa. 47  Asdod+ ne ɛho nkurow ne nkuraa; Gasa+ ne ɛho nkurow ne nkuraa, kosi Egypt subon no ne Po Kɛse no ho ne mantam hɔ nyinaa.+ 48  Na mmepɔw so nkurow ne Samir, Yatir,+ Soko, 49  ne Dana, Kiriat-Sanna, anaa Debir, 50  ne Anab, Estemo,+ Anim, 51  ne Gosen,+ Holon, ne Gilo;+ nkurow dubiako ne ɛho nkuraa. 52  Arab, Duma, Esan, 53  ne Yanim, Bet-Tapua, Afeka, 54  ne Humta, Kiriat-Arba, anaa Hebron,+ ne Sior; nkurow akron ne ɛho nkuraa. 55  Maon,+ Karmel, Sif,+ Yuta, 56  ne Yesreel, Yokdeam, Sanoa, 57  ne Kain, Gibea, ne Timna;+ nkurow du ne ɛho nkuraa. 58  Halhul, Bet-Sur, Gedor, 59  ne Maarat, Bet-Anot, ne Eltekon; nkurow asia ne ɛho nkuraa. 60  Kiriat-Baal,+ anaa Kiriat-Yearim,+ ne Raba; nkurow abien ne ɛho nkuraa. 61  Sare so nkurow nso ne Bet-Araba,+ Midin, Sekaka, 62  ne Nibsan, ne Nkyene Kurow, ne En-Gedi;+ nkurow asia ne ɛho nkuraa. 63  Nanso Yebusifo+ a wɔwɔ Yerusalem+ no de, Yudafo no antumi ampam wɔn amfi hɔ;+ na Yebusifo ne Yudafo tenaa Yerusalem de besi nnɛ.

Ase Hɔ Nsɛm