Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Yosua 12:1-24

12  Eyinom ne asase no so ahene a Israelfo dii wɔn so faa wɔn nsase wɔ Yordan agya wɔ apuei fam,+ fi Arnon+ subon ho kosi Bepɔw Hermon+ ne Araba+ nyinaa wɔ apuei fam no:  Amorifo hene Sihon+ a na ɔte Hesbon+ no. Odii hene faa Aroer+ a ɛwɔ Arnon+ subon ho ne subon no mfinimfini ne Gilead asase no fã kosi Yabok+ subon ho wɔ Ammonfo hye so,  ne Araba+ kosi Kineret+ mpoano wɔ apuei fam, ne Araba po anaa Nkyene Po+ no ano wɔ apuei, Bet-Yesimot+ kwan so, de kɔ anafo wɔ Pisga+ bepɔw ase.  Obiako nso ne Basan hene Og.+ Ɔno ne Refaimni+ a na waka, na ɔtenaa Astarot+ ne Edrei.+  Odii hene wɔ Bepɔw Hermon+ so ne Saleka ne Basan+ nyinaa kosii Gesurfo+ ne Maakatfo+ hye so ne Gilead asase no fã kɔpem Hesbon+ hene Sihon+ asase so.  Yehowa akoa Mose ne Israelfo no dii wɔn so,+ na ɛno akyi no Yehowa akoa Mose de asase no maa Rubenfo+ ne Gadfo+ ne Manase abusuakuw fã+ no.  Ahene yi nso na Yosua ne Israelfo no dii wɔn so wɔ Yordan atɔe fam, fi Baal-Gad+ wɔ Lebanon+ tataw so kosi Bepɔw Halak+ so kɔ Seir.+ Ɛno akyi na Yosua kyɛɛ asase no maa Israelfo mmusua no sɛ wɔn kyɛfa,+  mmepɔw so nsase ne Sefela ne Araba ne mmepɔw ase ne sare so ne Negeb.+ Ɛha na na Hitifo ne Amorifo+ ne Kanaanfo ne Perisifo ne Hiwifo ne Yebusifo+ no te. Ahene yi ni:  Yeriko hene+ ne Ai+ a ɛbɛn Betel no hene; 10  Yerusalem hene+ ne Hebron hene;+ 11  Yamut hene+ ne Lakis hene;+ 12  Eglon hene+ ne Geser hene;+ 13  Debir+ hene ne Geder hene; 14  Horma hene ne Arad hene; 15  Libna+ hene ne Adulam hene; 16  Makeda+ hene ne Betel+ hene; 17  Tapua hene ne Hefer+ hene; 18  Afek hene ne Lasaron hene; 19  Madon hene+ ne Hasor hene;+ 20  Simron-Meron hene ne Aksaf hene;+ 21  Taanak hene ne Megido+ hene; 22  Kedes hene ne Yokneam+ a ɛwɔ Karmel no hene; 23  Dor a ɛwɔ Dor bepɔw so no hene,+ ne Goiim a ɛwɔ Gilgal no hene; 24  ne Tirsa hene. Ahene no nyinaa yɛ aduasa biako.+

Ase Hɔ Nsɛm