Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yosua 11:1-23

11  Na bere a Hasor hene Yabin tee nea asi no, ɔsoma kɔɔ Madon hene+ Yobab, ne Simron hene, ne Aksaf hene+ nkyɛn.  Na ɔde nkra kɔmaa ahene a wɔwɔ atifi fam mmepɔw so, ne sare so wɔ Kineret+ anafo fam, ne Sefela,+ ne Dor+ bepɔw so wɔ atɔe fam,  ne Kanaanfo+ a wɔwɔ apuei ne atɔe, ne Amorifo,+ ne Hitifo,+ ne Perisifo,+ ne Yebusifo+ a wɔwɔ mmepɔw so, ne Hiwifo+ a wɔwɔ Hermon+ ase wɔ Mispa+ asase so.  Enti wɔne wɔn dɔm huhaa te sɛ mpoano anhwea+ ne apɔnkɔ+ ne nteaseɛnam bebree fi bae.  Na bere a wɔhyɛe no dui no, ahene no nyinaa boaboaa wɔn ano wɔ Merom asu ho sɛ wɔne Israel rebɛko.+  Afei Yehowa ka kyerɛɛ Yosua sɛ: “Nsuro wɔn,+ na ɔkyena sesɛɛ mɛma wɔn nyinaa atotɔ wɔ Israelfo nsa ano. Twitwa wɔn apɔnkɔ nantin+ na fa ogya hyew wɔn nteaseɛnam.”+  Na Yosua ne asraafo no nyinaa faa Merom asu ho bɛtow hyɛɛ wɔn so prɛko pɛ.  Enti Yehowa de wɔn hyɛɛ Israelfo no nsa,+ na wotiw wɔn kokunkum wɔn koduu Sidon+ kɛse ne Misrefot-Maim+ ne Mispe+ tataw so wɔ atɔe fam. Wokunkum wɔn nyinaa, na obiako mpo anka.+  Na nea Yehowa ka kyerɛɛ Yosua no, saa pɛpɛɛpɛ na ɔde yɛɛ wɔn: Otwitwaa wɔn apɔnkɔ nantin,+ na ɔde ogya hyew wɔn nteaseɛnam.+ 10  Afei Yosua danee ne ho saa bere+ no bɛfaa Hasor,+ na ɔde nkrante kum ɛhɔ hene,+ efisɛ na Hasor ne ahemman yi nyinaa ti. 11  Wɔde nkrante kunkum akra a wɔwɔ hɔ nyinaa tɔree wɔn ase.+ Wɔannyaw biribiara a ɛhome wɔ hɔ,+ na ɔde ogya hyew Hasor. 12  Yosua faa nhenkurow a ɛwowɔ hɔ ne emu ahene nyinaa, na ɔde nkrante kunkum wɔn.+ Ɔsɛee wɔn pasaa,+ sɛnea Yehowa akoa Mose kae no.+ 13  Nkurow a egu nkoko so no de, Israel anhyew, gye Hasor na Yosua hyewee. 14  Israelfo no faa nkurow no mu afieboa ne asade a aka nyinaa.+ Nnipa no de, wɔde nkrante kunkum wɔn nyinaa tɔree wɔn ase.+ Obiara a ɔhome biara nni hɔ a wɔma ɔkae.+ 15  Nea Yehowa ka kyerɛɛ n’akoa Mose no, saa ara na Mose ka kyerɛɛ Yosua,+ na saa ara nso na Yosua yɛe. Wanyi asɛm biako mpo amfi nea Yehowa ka kyerɛɛ Mose no mu.+ 16  Yosua faa asase yi nyinaa, mmepɔw no ne Negeb+ ne Gosen+ asase nyinaa, ne Sefela+ ne Araba+ ne Israel mmepɔw ne ne Sefela,+ 17  fi Bepɔw Halak+ a anim kyerɛ Seir+ kosi Baal-Gad+ a ɛwɔ Lebanon tataw so wɔ Bepɔw Hermon+ ase, na ɔkyeree wɔn ahene nyinaa kunkum wɔn.+ 18  Yosua ne ahene yi nyinaa koe nna pii. 19  Kurow biara nni hɔ a wɔne Israelfo yɛɛ asomdwoe apam, gye Hiwifo+ a wɔte Gibeon+ no. Wɔn a aka no de, ɔko mu na wɔfaa wɔn.+ 20  Yehowa na ɔma wopirim wɔn koma+ sɛ wɔne Israelfo bɛko na wasɛe wɔn a ahummɔbɔ biara nnim,+ na watɔre wɔn ase sɛnea Yehowa ka kyerɛɛ Mose no.+ 21  Saa bere no nso, Yosua kokunkum Anakimfo+ a wɔwɔ mmepɔw so, Hebron ne Debir ne Anab+ ne Yuda ne Israel mmepɔw so nyinaa.+ Yosua sɛee wɔne wɔn nkurow no nyinaa.+ 22  Wannyaw Anakimni biara wɔ Israelfo asase so, gye Gasa+ ne Gat+ ne Asdod+ na ebi kae.+ 23  Afei Yosua faa nsase no nyinaa sɛnea Yehowa hyɛɛ Mose bɔ no,+ na Yosua kyɛ maa Israelfo no sɛ wɔn kyɛfa, sɛnea wɔn mmusua te.+ Efi saa bere no, ɔko anhaw asase no bio.+

Ase Hɔ Nsɛm