Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yosua 1:1-18

1  Yehowa akoa Mose wu akyi no, Yehowa ka kyerɛɛ Nun ba Yosua+ a na ɔyɛ Mose somfo+ no sɛ:  “M’akoa Mose awu;+ afei sɔre na wo ne ɔman yi nyinaa ntwa Yordan asubɔnten yi nkɔ asase a mede rema Israelfo no so.+  Baabiara a mo nan betia no, mede bɛma mo sɛnea mehyɛɛ Mose bɔ no.+  Efi sare so hɔ ne Lebanon yi kosi asukɛse Eufrate ho, kyerɛ sɛ Hitifo asase nyinaa,+ de kɔfa Po Kɛse no atɔe fam nyinaa bɛyɛ mo asase.+  Na wo nkwa nna nyinaa, obiara rentumi nnyina w’anim.+ Sɛnea midii Mose akyi no, saa ara na medi w’akyi.+ Merempo wo na merennyaw wo.+  Ma wo bo nyɛ duru na wo ho nyɛ den,+ efisɛ wo na wode ɔman yi bɛkɔ ma wɔakɔfa+ asase a mekaa wɔn agyanom ntam sɛ mede bɛma wɔn no.+  “Nea ehia ara ne sɛ wobɛma wo bo ayɛ duru na wo ho ayɛ den, na woahwɛ adi mmara a m’akoa Mose de maa wo no nyinaa so.+ Mman mfi ho nkɔ nifa anaa benkum+ na woayɛ w’ade nyansam baabi a wobɛkɔ biara.+  Mma mmara nhoma yi mmfi w’anom,+ na mmom kenkan na dwinnwen ho awia ne anadwo na woadi nea wɔakyerɛw wom nyinaa so.+ Woyɛ saa a, ebesi wo yiye na woayɛ w’ade nyansam.+  Adɛn, menhyɛɛ wo+ sɛ ma wo bo nyɛ duru na wo ho nyɛ den? Nsuro na mmɔ hu,+ efisɛ baabi a wobɛkɔ biara no, Yehowa wo Nyankopɔn ka wo ho.”+ 10  Afei Yosua ka kyerɛɛ ɔman no mu mpanyimfo sɛ: 11  “Monkɔ nsraban no mu na monka nkyerɛ ɔman no sɛ, ‘Nnansa akyi mubetwa Yordan asubɔnten yi akɔfa asase a Yehowa mo Nyankopɔn de ama mo no.+ Enti, monhwehwɛ aduan a mubedi wɔ kwan so.’” 12  Na Yosua ka kyerɛɛ Rubenfo ne Gadfo ne Manase abusuakuw fã no sɛ: 13  “Monkae asɛm a Yehowa akoa Mose ka kyerɛɛ mo no sɛ,+ ‘Yehowa mo Nyankopɔn ama moanya asomdwoe, na ɔde asase yi ama mo. 14  Mo yerenom ne mo mma nkumaa ne mo mmoa bɛka asase a Mose de ama mo wɔ Yordan agya ha no so;+ na mo, nnɔmmarima+ nyinaa de, momfa mo akode+ na munni mo nuanom anim nkɔboa wɔn. 15  Na sɛ Yehowa ma mo nuanom home sɛ mo na wɔfa asase a Yehowa mo Nyankopɔn de ama wɔn+ no a, afei mubetumi asan aba abɛfa asase+ a wɔde ama mo no, nea Yehowa akoa Mose de ama mo wɔ Yordan agya wɔ apuei fam no.’”+ 16  Ɛnna wobuaa Yosua sɛ: “Nea woahyɛ yɛn nyinaa yɛbɛyɛ, na baabiara a wobɛsoma yɛn no yɛbɛkɔ.+ 17  Sɛnea yetiee Mose wɔ biribiara mu no, saa ara na yebetie wo. Nea yɛresrɛ ara ne sɛ Yehowa wo Nyankopɔn nni w’akyi+ sɛnea odii Mose akyi no.+ 18  Na obiara a ɔbɛsɔre atia w’ahyɛde+ na wantie asɛm biara a wobɛka akyerɛ no no, wonkum no.+ Enti ma wo bo nyɛ duru na wo ho nyɛ den.”+

Ase Hɔ Nsɛm