Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Yona 4:1-11

4  Nanso Yona ani annye asɛm no ho koraa,+ na ne bo fuwii.  Enti ɔbɔɔ mpae ka kyerɛɛ Yehowa sɛ: “Ao, Yehowa, ɛnyɛ asɛm a mewɔ m’asase so mekae no ara na ɛda hɔ yi? Ɛno nti na miguanee sɛ merekɔ Tarsis+ no, efisɛ minim sɛ woyɛ Onyankopɔn mmɔborɔhunufo+ ne ɔdomfo, wo bo kyɛ fuw, w’adɔe dɔɔso,+ na ɛhaw wo sɛ wobɛma amanehunu aba.+  Afei Yehowa, gye me kra+ fi me nsam, na eye sɛ mewu sen sɛ mɛtena ase.”+  Ɛnna Yehowa bisaa no sɛ: “Wususuw sɛ eye sɛ wo bo fuw?”+  Na Yona fii kurow no mu kɔɔ apuei fam baabi kɔtenaa hɔ, na ɔbɔɔ ɔsese bi sɛ ɔretena ne nwini ase+ atwɛn ahwɛ nea ɛbɛto kurow no.+  Ɛnna Yehowa Nyankopɔn maa kɔntoa* bi fifii sɛ ɛnkata Yona so, na onyaa onwini a ebegye no afi n’ahoyeraw mu.+ Na kɔntoa yi nti Yona ani gyei papaapa.  Na adekyee a anim rebaabae no, nokware Nyankopɔn maa ɔsã+ bɛwee kɔntoa no, na ewui.+  Bere a owia puei no, Onyankopɔn maa apuei mframa+ a emu yɛ hyew nso bɔe, na owia no hyee Yona ti so ma ɔyɛɛ mmerɛw.+ Afei ɔsrɛe sɛ ne kra nwu, na osii so kae sɛ: “Eye sɛ mewu sen sɛ mɛtena ase.”+  Afei Onyankopɔn bisaa Yona sɛ: “Wususuw sɛ eye sɛ kɔntoa yi nti wo bo fuw anaa?”+ Ɛnna obuae sɛ: “Eye sɛ me bo fuw, na minyae mpo a anka owu de me kɔ.” 10  Na Yehowa kae sɛ: “Wo de, kɔntoa yi mpo asɛm haw wo. Nanso woammrɛ ho, na ɛnyɛ wo na woma enyinii; efifii anadwo koro na ewui anadwo koro. 11  Na me de, Niniwe kurow kɛse a emufo boro mpem ɔha aduonu a wonnim wɔn nifa nnim wɔn benkum ne nyɛmmoa bebrebe yi asɛm nhaw me anaa?”+

Ase Hɔ Nsɛm

Kyerɛ sɛ afifide a ɛsow kɔntoa.