Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yona 2:1-10

2  Afei Yona bɔɔ Yehowa, ne Nyankopɔn mpae wɔ apataa no yam,+  na ɔkae sɛ: “M’ahohia mu na misu frɛɛ Yehowa,+ na ogyee me so.+ Adamoa* yafunu mu na misu hwehwɛɛ mmoa.+ Na wutiee me.+   Bere a wotow me too bun mu, na mekɔɔ ɛpo komam tɔnn no,+ Nsu dii kyinhyia faa me ho. Na w’asorɔkye de ne tumi nyinaa bu faa me so.+   Ɛnna mekae sɛ, ‘Wɔapam me afi w’anim!+ Ɛbɛyɛ dɛn na matumi ahwɛ w’asɔrefie kronkron no bio?’+   Nsu twaa me ho hyiae beduu me kra ho;+ subun menee me. Na nwura kyekyeree me ti.   Misian kɔɔ mmepɔw ase tɔnn. Na asase adaban kaa me hyɛɛ mu daa. Nanso wo Yehowa me Nyankopɔn, wuyii me nkwa fii amoa mu.+   Bere a me kra hodwowee no,+ mekaee Yehowa.+ Na mede me mpaebɔ baa w’anim, w’asɔrefie kronkron hɔ.+   Wɔn a wɔde wɔn ho to atoro ahoni so no, wɔpo wɔn ankasa adɔe.+   Nanso me de, mede me nne beyi wo ayɛ na mabɔ afɔre ama wo.+ Ɛbɔ a mahyɛ biara metua.+ Na nkwagye yɛ Yehowa dea.”+ 10  Afei Yehowa maa apataa no kɔfee Yona too asase kesee so.+

Ase Hɔ Nsɛm

Anaa “Sheol.” Nea ɛkyerɛ ne adesamma adamoa. Hwɛ Nkekaho 4.