Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yohane 3:1-36

3  Na ɔbarima bi wɔ hɔ a ɔka Farisifo ho a ne din de Nikodemo+ a ɔyɛ Yudafo panyin.  Ɔno na ɔbaa ne nkyɛn anadwo+ bɛka kyerɛɛ no sɛ: “Rabi,+ yenim sɛ wufi Onyankopɔn nkyɛn+ na aba sɛ ɔkyerɛkyerɛfo,+ efisɛ obiara ntumi nyɛ nsɛnkyerɛnne+ a woyɛ yi gye sɛ Onyankopɔn ka ne ho.”+  Yesu bua see no sɛ:+ “Nokware, nokware, mise wo sɛ, sɛ wɔansan anwo obi bio a,+ ɔrentumi nhu Onyankopɔn ahenni no.”+  Nikodemo bisaa no sɛ: “Ɛbɛyɛ dɛn na wobetumi awo obi a wanyin? Obetumi asan akɔ ne maame yafunu mu bio ma wɔawo no anaa?”  Yesu buae sɛ: “Nokware, nokware, mise wo sɛ, sɛ wɔamfa nsu+ ne honhom+ anwo obi a, ɔrentumi nkɔ Onyankopɔn ahenni mu.  Nea wofi ɔhonam mu awo no no yɛ ɔhonam, na nea wofi honhom mu awo no no yɛ honhom.+  Mma ɛnnyɛ wo nwonwa sɛ meka kyerɛɛ wo sɛ ɛsɛ sɛ wɔsan wo mo bio.+  Mframa+ bɔ kɔ nea ɛpɛ biara, na mote sɛ ɛrebɔ, nanso munnim baabi a efi ne baabi a ɛrekɔ. Saa na obiara a wofi honhom mu awo no no te.”+  Nikodemo bua see no sɛ: “Ɛbɛyɛ dɛn na eyinom atumi ayɛ yiye?” 10  Yesu bua see no sɛ: “Woyɛ Israel kyerɛkyerɛfo na wunnim eyinom?+ 11  Nokware, nokware, mise wo sɛ, nea yenim na yɛka, na nea yɛahu na yedi ho adanse,+ nanso mo de, munnye adanse a yɛde ma no ntom.+ 12  Sɛ maka asase so nsɛm akyerɛ mo na munnye nni a, ɛbɛyɛ dɛn na sɛ meka ɔsoro nsɛm kyerɛ mo a mubegye adi?+ 13  Afei nso, onipa biara mforo nkɔɔ ɔsoro+ gye nea osian fii ɔsoro no,+ onipa Ba no.+ 14  Na sɛnea Mose maa ɔwɔ+ no so sare no so no, saa ara na etwa sɛ wɔma onipa Ba no so+ 15  na obiara a ogye no di no anya daa nkwa.+ 16  “Na Onyankopɔn dɔ+ wiase paa ma enti ɔde ne Ba a ɔwoo no koro no mae,+ na obiara a ɔkyerɛ no mu gyidi+ no ansɛe+ na mmom wanya daa nkwa.+ 17  Na Onyankopɔn ansoma ne Ba no amma wiase sɛ ommebu wiase atɛn,+ na mmom sɛ wɔmfa no so nnye wiase nkwa.+ 18  Obiara a ogye no di no, wɔremmu no atɛn.+ Nea onnye nni no, wɔabu no atɛn dedaw efisɛ wannye Onyankopɔn Ba a ɔwoo no koro no din anni.+ 19  Nea enti a wobu atɛn ne sɛ hann+ no aba wiase,+ nanso nnipa dɔ sum sen hann,+ efisɛ wɔn nnwuma yɛ bɔne. 20  Na obiara a ɔyɛ akyide+ no tan hann, na ɔmma hann ho na wɔanyi ne nnwuma ho ntɛn.+ 21  Na nea odi nokware no ba hann ho+ na ama ne nnwuma ada adi sɛ ɛsɔ Onyankopɔn ani.” 22  Eyinom akyi no, Yesu ne n’asuafo no kɔɔ Yudea asase so, na ɔne wɔn tenaa hɔ kakra na ɔbɔɔ nkurɔfo asu.+ 23  Ná Yohane+ nso rebɔ asu wɔ Ainon a ɛbɛn Salim, efisɛ na nsu pii+ wɔ hɔ, na nnipa kɔɔ so baa hɔ ma ɔbɔɔ wɔn asu;+ 24  ná wonnya mfaa Yohane nkɔtoo afiase.+ 25  Ɛnna akyinnyegye bi a ɛfa ahodwira+ ho sɔree Yohane asuafo ne Yudani bi ntam. 26  Enti wɔbaa Yohane nkyɛn bɛka kyerɛɛ no sɛ: “Rabi, ɔbarima a na ɔne wo wɔ Yordan agya a wudii no ho adanse no,+ hwɛ, ɔrebɔ asu na nnipa nyinaa rekɔ ne nkyɛn.”+ 27  Yohane bua see wɔn sɛ: “Onipa ntumi nnya biribi gye sɛ wɔde afi soro ama no.+ 28  Mo ara mudi me adanse sɛ mekae sɛ ɛnyɛ mene Kristo no,+ na mmom wɔasoma me adi no kan.+ 29  Nea ayeforo no wɔ no no, ɔno ne ayeforokunu no.+ Na ayeforokunu no adamfo de, sɛ ogyina hɔ tie na ɔte ayeforokunu no nne a, n’ani gye paa. Enti anigye a mewɔ yi ayɛ mã.+ 30  Etwa sɛ ɔno de, ɔkɔ so dɔre, na me de, me so huan ara.” 31  Nea ofi soro no boro obiara so.+ Nea ofi asase so no fi asase so na ɔka asase so nsɛm.+ Nea ofi soro no sen obiara.+ 32  Nea wahu na wate no, ɛno na odi ho adanse,+ nanso obiara nnye n’adanse no ntom.+ 33  Nea ogye n’adanse no tom no asɔ ano sɛ Onyankopɔn yɛ ɔnokwafo.+ 34  Efisɛ nea Onyankopɔn asoma no no ka Onyankopɔn nsɛm,+ na ɔnkari honhom no na ɔde ama.+ 35  Agya no dɔ+ Ɔba no, na ɔde nneɛma nyinaa ahyɛ ne nsa.+ 36  Nea ogye Ɔba no di+ no wɔ daa nkwa;+ nea ontie Ɔba no renhu nkwa,+ na Onyankopɔn abufuhyew wɔ no so.+

Ase Hɔ Nsɛm