Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yohane 11:1-57

11  Ná ɔyarefo bi wɔ hɔ a ɔde Lasaro a ofi Betania, akuraa a na Maria ne ne nuabea Marta+ fi no.  Na ɛyɛ Maria a ɔde ngo huamhuam sraa Awurade+ na ɔde ne ti nhwi popaa ne nan ase+ no na ne nua Lasaro yare.  Enti ne nuabeanom too no nkra sɛ: “Awurade, hwɛ! nea wopɛ n’asɛm+ no yare.”  Nanso bere a Yesu tee no, ɔkae sɛ: “Saa ɔyare yi nyɛ owuyare, na mmom Onyankopɔn anuonyam ntia,+ nea ɛbɛyɛ na wɔnam so ahyɛ Onyankopɔn Ba no anuonyam.”  Na Yesu dɔ Marta ne ne nuabea ne Lasaro.  Nanso bere a ɔtee sɛ ɔyare no, ɔtenaa faako a ɔwɔ hɔ ara nnanu.  Afei eyi akyi no, ɔka kyerɛɛ asuafo no sɛ: “Momma yɛnkɔ Yudea bio.”  Asuafo no ka kyerɛɛ no sɛ: “Rabi,+ nnaano yi ara na Yudafo no pɛe sɛ wosiw wo abo,+ ɛnna worekɔ hɔ bio yi?”  Yesu buae sɛ: “Ɛnyɛ nnɔnhwerew dumien na ɛwɔ adekyee mu? Sɛ obi nantew awiabere+ a, onhintiw hwee, efisɛ ohu wiase hann. 10  Nanso sɛ obi nantew anadwo+ a, ohintiw, efisɛ onni hann mu.” 11  Ɔkaa eyinom, na ɛno akyi no, ɔka kyerɛɛ wɔn sɛ: “Yɛn adamfo Lasaro ada, na merekɔ hɔ akonyan no.”+ 12  Ɛnna asuafo no ka kyerɛɛ no sɛ: “Awurade, sɛ wada de a, ɛnde ne ho bɛyɛ no den.” 13  Yesu de, na ne wu ho asɛm na ɔreka. Nanso wosusuwii sɛ ɔreka nna ho asɛm. 14  Enti afei de, Yesu ka kyerɛɛ wɔn pen sɛ: “Lasaro awu,+ 15  na mo nti ɛyɛ me anigye sɛ na minni hɔ, na ama moagye adi. Nanso momma yɛnkɔ ne nkyɛn.” 16  Enti Toma a na wɔfrɛ no Ata no ka kyerɛɛ ne mfɛfo asuafo no sɛ: “Momma yɛn nso yɛnkɔ na yɛne no nkowu.”+ 17  Bere a afei Yesu duu hɔ no, ohui sɛ na wadi nnanan dedaw wɔ ɔda mu.+ 18  Na Betania bɛn Yerusalem, bɛyɛ akwansin abien. 19  Enti na Yudafo bebree aba Marta ne Maria nkyɛn rebɛkyekye wɔn werɛ,+ wɔn nua no nti. 20  Afei Marta tee sɛ Yesu reba no, okohyiaa no; na Maria+ de, ɔtenaa fie. 21  Ɛnna Marta ka kyerɛɛ Yesu sɛ: “Awurade, sɛ wowɔ ha a, anka me nua no anwu.+ 22  Na seesei mpo, minim sɛ ade biara a wubebisa Onyankopɔn no,+ Onyankopɔn de bɛma wo.” 23  Yesu ka kyerɛɛ no sɛ: “Wo nua no bɛsɔre.”+ 24  Marta ka kyerɛɛ no sɛ: “Minim sɛ owusɔre+ mu, da a etwa to no, ɔbɛsɔre.” 25  Yesu ka kyerɛɛ no sɛ: “Mene owusɔre ne nkwa.+ Obiara a onya me mu gyidi no, sɛ owu mpo a, ɔbɛba nkwa mu;+ 26  na obiara a ɔte ase a onya me mu gyidi no renwu da.+ Wugye eyi di?” 27  Ɔka kyerɛɛ no sɛ: “Yiw, Awurade; migye di sɛ wone Kristo, Onyankopɔn Ba a ɔreba wiase no.”+ 28  Ɔkaa eyi wiei no, ɔkɔfrɛɛ ne nua Maria kokoam ka kyerɛɛ no sɛ: “Ɔkyerɛkyerɛfo+ no aba na ɔrefrɛ wo.” 29  Ɔno nso tee no, ɔsɔree ntɛm siim kɔɔ ne nkyɛn. 30  Nanso saa bere no nyinaa na Yesu nnya nhyɛn kurow no mu, na mmom na ɔda so wɔ baabi a Marta behyiaa no no. 31  Afei bere a Yudafo a na wɔne Maria wɔ fie+ hɔ rekyekye ne werɛ no hui sɛ wasɔre ntɛm afi adi no, wodii n’akyi susuwii sɛ ɔrekɔ ɔda+ no so akosu. 32  Enti bere a Maria duu baabi a Yesu wɔ na n’ani bɔɔ no so no, ɔhwee ne nan ase ka kyerɛɛ no sɛ: “Awurade, sɛ wowɔ ha a, anka me nua no anwu.”+ 33  Bere a afei Yesu hui sɛ ɔresu na Yudafo a wɔkaa ne ho bae no nso resu no, osii apini na ne ho yeraw no;+ 34  na ɔkae sɛ: “Ɛhe na mode no toe?” Wɔka kyerɛɛ no sɛ: “Awurade, bra bɛhwɛ.” 35  Yesu sui.+ 36  Ɛnna Yudafo no fii ase kae sɛ: “Monhwɛ sɛnea na ɔpɛ n’asɛm fa!”+ 37  Nanso wɔn mu bi kae sɛ: “Onipa yi a obuee onifuraefo no ani+ yi, enti wantumi anhwɛ ma oyi awu?” 38  Afei bere a Yesu sii apini wɔ ne mu bio no, ɔbaa ɔda no so.+ Na ɛyɛ ɔbodan, na na ɔbo+ tweri ano. 39  Yesu kae sɛ: “Munyi ɔbo+ no.” Marta a ne nua aka baabi no ka kyerɛɛ no sɛ: “Awurade, sesɛɛ de, wabɔn, efisɛ adi nnanan.” 40  Yesu ka kyerɛɛ no sɛ: “Manka ankyerɛ wo sɛ wugye di a, wubehu Onyankopɔn anuonyam?”+ 41  Ɛnna woyii ɔbo no hɔ. Afei Yesu maa n’ani so kyerɛɛ soro+ kae sɛ: “Agya, meda wo ase sɛ woatie me.+ 42  Nokwarem ni, minim sɛ wutie me daa; nanso nnipakuw+ a wogyinagyina ha no nti na mekasae na ama wɔagye adi sɛ wo na wosomaa me.”+ 43  Ɔkaa saa no, ɔde nne kɛse teɛɛm sɛ: “Lasaro, fi bra!”+ 44  Afei ɔbarima a wawu no pue bae a wɔde ntama+ akyekyere ne nan ne ne nsa, na na wɔde tam bi akyekyere n’anim. Yesu ka kyerɛɛ wɔn sɛ: “Monsan no na momma ɔnkɔ.” 45  Enti Yudafo a na wɔaba Maria nkyɛn a wohuu nea Yesu yɛe no mu bebree gyee no dii;+ 46  nanso wɔn mu bi kɔɔ Farisifo no hɔ kɔkaa nea Yesu yɛe no kyerɛɛ wɔn.+ 47  Ɛnna asɔfo mpanyin ne Farisifo no boaa Sanhedrin+ no ano ka kyerɛɛ wɔn sɛ: “Ɛdɛn na yɛnyɛ, efisɛ onipa yi yɛ nsɛnkyerɛnne bebree?+ 48  Sɛ yegyaa no saa a, wɔn nyinaa begye no adi,+ na Romafo+ no bɛba abɛfa yɛn ha+ ne yɛn man nyinaa.” 49  Nanso wɔn mu biako, Kaiafa, a na ɔyɛ ɔsɔfo panyin saa afe no,+ ka kyerɛɛ wɔn sɛ: “Munnim hwee koraa, 50  na munnwen nso sɛ eye ma mo sɛ onipa biako bewu+ ama ɔmanfo na ɔman mũ no nyinaa ansɛe.”+ 51  Nanso emfi n’ankasa ne tirim na ɔkaa eyi; na mmom esiane sɛ na ɔyɛ ɔsɔfo panyin saa afe no nti, ɔhyɛɛ nkɔm sɛ etwa sɛ Yesu wu ma ɔman no, 52  na ɛnyɛ ɔman no nko, na mmom sɛnea ɛbɛyɛ na Onyankopɔn bɛka ne mma a wɔabɔ wɔn apete+ no abom ayɛ wɔn biako.+ 53  Enti efi saa da no ara wɔbɔɔ pɔw sɛ wobekum no.+ 54  Enti afei Yesu annantew baguam+ bio wɔ Yudafo no mu,+ na ofi hɔ kɔɔ asase a ɛbɛn sare so, kurow bi a wɔfrɛ no Efraim+ mu, na ɔne n’asuafo no tenaa hɔ. 55  Saa bere no na Yudafo twam+ no abɛn, na nnipa bebree fi nkuraase baa Yerusalem ansa na twam afahyɛ no redu so sɛnea wobedwira wɔn ho.+ 56  Ɛnna wokyin hwehwɛɛ Yesu, na bere a wogyinagyina asɔrefie hɔ no, wɔka kyerɛɛ wɔn ho sɛ: “Mo adwene ne dɛn? Ɔremma afahyɛ no ase koraa anaa?” 57  Na asɔfo mpanyin ne Farisifo no ahyɛ sɛ obi hu baabi a ɔwɔ a, ɔmmɛbɔ wɔn amanneɛ ma wɔnkɔkyere no.

Ase Hɔ Nsɛm