Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yoel 3:1-21

3  “Hwɛ! Nna no mu,+ bere a mede Yuda ne Yerusalem atukɔfo bɛsan aba+ no,  mɛboaboa amanaman nyinaa nso ano+ de wɔn asian aba Yehosafat bon+ no mu. Me man ne m’agyapade Israel nti, me ne wɔn bedi asɛm wɔ hɔ,+ efisɛ wɔabɔ wɔn ahwete amanaman no mu, na wɔakyɛ m’asase afa.+  Wɔbɔɔ me man so ntonto,+ wɔde abarimaa gyee aguaman,+ na wɔde abeawa tɔɔ bobesa nomee.  “Na mo, Tiro ne Sidon+ ne Filistia nkurow nyinaa nso,+ dɛn na me ne mo wɔ yɛ? Nea moreyɛ de atua me ka ni? Sɛ saa na moreyɛ me a, ɛnde nea moreyɛ no, mede ahoɔhare bɛyɛ ntɛm ayɛ bi atua mo ka.+  Moafa me dwetɛ ne me sika kɔkɔɔ,+ na mode m’afɛfɛde pa akogu mo asɔredan mu;+  Yuda mma ne Yerusalem mma nso, moatɔn wɔn+ ama Helafo+ sɛ wontu wɔn mfi wɔn asase so nkɔ akyirikyiri;+  ɛno nti mɛma wɔafi beae a motɔn wɔn kɔe no aba,+ na nea moyɛe no mayɛ bi atua mo ka.+  Na mɛtɔn mo mmabarima ne mo mmabea ahyɛ Yuda mma nsa,+ na wɔbɛtɔn wɔn ama Sabafo,+ ɔman a ɛwɔ akyirikyiri,+ Yehowa na waka.  “Mommɔ dawuru amanaman mu+ sɛ, ‘Montew ɔko ho! Monkanyan ahoɔdenfo!+ Momma wontwiw mmɛn! Mmarima a wɔkɔ ɔsa no nyinaa, momma wɔmmra!+ 10  Momfa mo nsɔw nyɛ nkrante na momfa mo kantankrankyi+ nyɛ mpeaw. Nea ɔyɛ mmerɛw no, ma ɔnka sɛ: “Meyɛ ɔhoɔdenfo.”+ 11  Aman a moatwa ahyia nyinaa,+ obiara mmoa ne yɔnko, na mummehyia.’”+ O Yehowa, ɛhɔ na fa w’ahoɔdenfo no bra.+ 12  “Momma amanaman no nsɔre mmra Yehosafat bon+ no mu, na ɛhɔ na mɛtena abu amanaman a atwa ahyia nyinaa atɛn.+ 13  “Montow kantankrankyi,+ na afuw no ahoa.+ Mommra, munsian, efisɛ nsã-kyi-amoa no ayɛ ma.+ Ade a wokyĩ nsã wom no ayɛ ma abu so; wɔn bɔne adɔɔso.+ 14  Nnipadɔm, nnipadɔm wɔ atemmu bon no mu,+ na Yehowa da no abɛn, atemmu bon no mu.+ 15  Owia ne ɔsram bɛdan sum, na nsoromma begyae hyerɛn.+ 16  Yehowa bɛbobom afi Sion, na ɔbɛma ne nne so afi Yerusalem.+ Ɔsoro ne asase bɛwosow,+ nanso Yehowa bɛyɛ guankɔbea ama ne man,+ ne abannennen ama Israel mma.+ 17  Mubehu sɛ mene Yehowa mo Nyankopɔn+ a mete Sion, me bepɔw kronkron+ no so. Na Yerusalem bɛyɛ kronkronbea,+ na ananafo rentwam mfa hɔ bio.+ 18  “Saa da no, ɛbɛba sɛ mmepɔw bɛsosɔ nsã dɔkɔdɔkɔ;+ nkoko bɛsen nufusu, na nsu asen Yuda nsubon nyinaa mu. Nsuaniwa bepue afi Yehowa fie,+ na ebegugu Ɔkanto Nnua+ bon no so nsu. 19  Egypt de, ɛbɛdan amamfõ,+ na Edom nso adan sare pradada,+ efisɛ wɔde atirimɔdensɛm dii Yuda mma, na wohwiee mogya a edi bem gui, wɔn asase so.+ 20  Na Yuda de, nnipa bɛtena hɔ daa,+ na Yerusalem nso bɛtena hɔ awo ntoatoaso nyinaa mu.+ 21  Na wɔn mogya a mammu no sɛ edi bem no, mebu no bem,+ na Yehowa bɛtena Sion.”+

Ase Hɔ Nsɛm