Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 57:1-21

57  Ɔtreneeni ayera,+ nanso ɛmfa obiara ho.+ Owu afa nnipa pa kɔ,+ na obiara nnwen ho sɛ mmusu a ɛbɛba nti na wɔafa ɔtreneeni kɔ.+  Ɔhyɛn asomdwoe mu;+ wɔhome+ wɔ wɔn mpa so,+ nea ɔnam tee biara.+  “Ɔbea osumanni mma,+ ɔwaresɛefo ne ɔbea aguaman asefo,+ muntwiw mmɛn:+  Hena na mokyerɛ mo ho kyerɛ no yi?+ Hena so na moatɛɛtɛɛ mo anom, na moatwetwe mo tɛkrɛma yi?+ So monyɛ bɔne mma ne atoro asefo,+  wɔn a wɔkanyan akɔnnɔ wɔ nnua akɛse ntam,+ nnua kusuu ase;+ wɔn a wokum mmofra wɔ abon mu, abotan mu ntokuru mu?+  “Nsubon mu abo torotoro ne wo kyɛfa.+ Na ɛno na wunyae.+ Afei wuguu nsã wɔ so,+ na wode ayɛyɛde beguu so. So menka me koma nto me yam wɔ eyinom ho anaa?+  Mmepɔw atenten a ɛkorɔn so na wode wo mpa sii.+ Na ɛhɔ nso wobɔɔ afɔre.+  Wode wo nkaedum sii ɔpon ne apongua akyi.+ Wufi m’akyi yii wo ho kyerɛe na woforoe; wotrɛw wo mpa mu.+ Wo ne wɔn yɛɛ apam ma wo kɔn dɔɔ wɔn mpa.+ Na wuhuu wɔn barima.  Wode ngo sian kɔɔ Melek, na womaa wo sradehuam dɔɔso.+ Wutuu abɔfo kɔɔ akyirikyiri, na wuguu w’anim ase kɔɔ Adamoa* mu.+ 10  Wobrɛɛ w’akwan dodow mu.+ Na woanka sɛ: ‘Ɛyɛ ɔbrɛ hunu!’ Wo nsa asan aka wo tumi.+ Na ɛno nti na wonyaree.+ 11  “Hena na ne ho yɛ wo hu na wusuro no+ a woafi ase redi atoro yi?+ Nanso woankae me.+ Na woamfa wo koma ansi hwee so.+ Manyɛ komm amfa nsɛm ansie anaa?+ Enti woansuro me.+ 12  M’ankasa mɛka wo trenee+ ne wo nnwuma akyerɛ,+ na ɛso remma wo mfaso.+ 13  Sɛ wusu hwehwɛ mmoa a, nea woaboa ano no rennye wo,+ na mframa behuw ne nyinaa akɔ.+ Hwenem mframa kɛkɛ de ne nyinaa bɛkɔ, nanso obiara a oguan toa me+ no benya asase no adi na watena me bepɔw kronkron so.+ 14  Na ɔbɛka sɛ, ‘Momma kwan, momma kwan! Munsiesie kwan mu.+ Munyi akwanside biara mfi me man kwan mu.’”+ 15  Nea Ɔkorɔn na ɔyɛ Kokuroo,+ nea ɔte ase daa+ a ne din yɛ kronkron no,+ asɛm ni: “Mete baabi a ɛkorɔn na ɛyɛ kronkron;+ me ne nea wabubu na ne honhom abrɛ ase na ɛte,+ sɛ mɛma abrɛfo honhom ne wɔn a wɔabubu wɔn no koma anya ahoɔden.+ 16  Merenni asi nkosi daa na me bo remfuw afebɔɔ,+ efisɛ me nti nnipa honhom begurow,+ abɔde a wɔhome a mayɛ wɔn nyinaa.+ 17  “N’amumɔyɛ mu mfaso bɔne+ nti, me bo fuwii. Abufuw nti mebɔɔ no na mede m’anim hintawee.+ Nanso odii ne koma akyi bɔɔ ko.+ 18  Mahu n’akwan nyinaa; mesaa no yare+ na mekyerɛɛ no kwan,+ na mekyekyee ɔne wɔn a wɔredi awerɛhow+ no werɛ.”+ 19  Yehowa aka sɛ: “Merebɔ anofafa aba.+ Nea ɔwɔ akyirikyiri ne nea ɔbɛn benya asomdwoe daa,+ na mɛsa no yare.”+ 20  “Nanso abɔnefo de, wɔte sɛ po a ɛrebu fa so a entumi nyɛ komm, na emu nsu puw wura ne dontori ba. 21  Asomdwoe nni hɔ mma abɔnefo,”+ me Nyankopɔn na waka.

Ase Hɔ Nsɛm

Anaa “Sheol.” Nea ɛkyerɛ ne adesamma adamoa. Hwɛ Nkekaho 4.