Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 52:1-15

52  Nyan ɛ, Sion, nyan na hyɛ w’ahoɔden!+ Yerusalem, kurow kronkron,+ hyɛ w’atade fɛfɛ no!+ Na momonotoni ne nea ne ho ntew biara renhyɛn wo mu bio.+  Yerusalem, poroporow wo ho mfutuma+ na sɔre tena ase. Sion babea a wɔafa wo dommum, san ahama a ɛkyekyere wo kɔn no.+  Nea Yehowa aka ni: “Wɔantɔn mo annye hwee,+ enti ɛnyɛ sika na wɔde begye mo.”+  Nea Awurade Tumfoɔ Yehowa aka ni: “Egypt na me man dii kan kɔsoɛe sɛ ahɔho,+ na Asiria nso hyɛɛ wɔn so kwa.”  “Afei dɛn na mereyɛ wɔ ha?” Yehowa asɛm ni. “Wɔafa me man kwa.+ Wɔn a wodi wɔn so no bobom,”+ Yehowa asɛm ni. “Na da biara da, da mũ nyinaa, wobu me din animtiaa.+  Ɛno nti me man behu me din+ da no ara, efisɛ me ara na merekasa.+ Hwɛ, ɛyɛ me.”  Hwɛ, nea ɔde asɛmpa ba+ no nan ase+ yɛ fɛ wɔ mmepɔw so dɛn ara, nea ɔka asomdwoesɛm,+ nea ɔka adepa ho asɛmpa,+ nea ɔka nkwagye ho asɛm,+ nea ɔka kyerɛ Sion sɛ: “Wo Nyankopɔn abɛyɛ ɔhene!”+  Tie, w’awɛmfo+ ama wɔn nne so.+ Wɔn nyinaa abom rebɔ ose, na sɛ Yehowa boaboa Sion ano+ ba a, wobehu—wɔde wɔn ani kann.+  Yerusalem amamfõ, mo ani nnye, mommom mmɔ ose,+ efisɛ Yehowa akyekye ne man werɛ;+ wagye Yerusalem.+ 10  Yehowa ayi ne basa kronkron no ho ama aman nyinaa de wɔn ani ahu;+ na asase no afanan nyinaa behu yɛn Nyankopɔn nkwagye.+ 11  Montwe mo ho, montwe mo ho, mumfi hɔ nkɔ,+ mommfa mo nsa nnka biribiara a ɛho ntew;+ mumfi ne mu,+ montew mo ho, mo a mosõ Yehowa anwenne.+ 12  Mubefi hɔ akɔ, nanso ɛnyɛ ahopopo so, na morenguan.+ Yehowa bedi mo anim akɔ,+ na Israel Nyankopɔn bɛbɔ mo kyidɔm.+ 13  Hwɛ, m’akoa+ de nhumu bɛyɛ ade.+ Obenya dibea a ɛkorɔn, wɔbɛma no so, wɔbɛpagyaw no papaapa.+ 14  Nnipa pii ahu no ama wɔn ho adwiriw wɔn,+ efisɛ ne hwɛbea asɛe+ ma ɛnte sɛ onipa de bio, na ne nipaban+ nte sɛ ɔdesani de bio; 15  enti ɔno nso bɛma aman pii abɔ piriw.+ Ɔno nti ahene bɛka wɔn ano atom,+ efisɛ nea wɔnka nkyerɛɛ wɔn no, wobehu, na nea wɔntee da no, wɔbɛte ase.+

Ase Hɔ Nsɛm