Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 45:1-25

45  Asɛm a Yehowa aka akyerɛ Kores, nea wasra no,+ nea maso ne nsa nifa mu+ sɛ mɛbrɛ aman ase+ na masan ahene abɔso n’anim, na mabue apon a ɛbɔ ho abien ama no, na wɔanto kurow apon mu no ni:  “Me ara medi w’anim+ na mafɛntɛm nea ɛhɔ ayɛ siw.+ Mebubu kɔbere apon mu na matwitwa dade adaban mu.+  Mede akorade+ a ɛwɔ sum mu ne ademude a ahintaw bɛma wo, na ama woahu sɛ mene Yehowa, Israel Nyankopɔn a wabɔ wo din afrɛ wo no.+  M’akoa Yakob ne Israel a mapaw no+ nti na mebɔɔ wo din frɛɛ wo, na memaa wo edin kɛse, nanso na wunnim me.+  Mene Yehowa, na obiara nni hɔ bio.+ Onyankopɔn bi nni hɔ ka me ho.+ Mɛbɔ wo abɔso, nanso wunnim me,  na ama nnipa ahu sɛ efi owiapuei kosi owiatɔe, obiara nni hɔ ka me ho.+ Mene Yehowa, na obiara nni hɔ bio.+  Me na meyɛ hann+ na mebɔ sum,+ meyɛ asomdwoe+ na mebɔ mmusu.+ Me Yehowa na meyɛ eyinom nyinaa.+  “Ɔsoro, momma ɛnsosɔ,+ momma ɔsoro mununkum nsosɔ trenee.+ Asase mu mmue na ɛnsow nkwagye na emfifi trenee+ bere koro mu. Me Yehowa na mebɔe.”+  Nea ɔne ne Nwemfo di asi,+ sɛnea kuku sin bi ne asinasin foforo a egu fam di asi, no nnue! Dɔte+ bɛka akyerɛ ne nwemfo sɛ: “Dɛn na woayɛ yi?” Na w’adwuma bɛka sɛ: “Onni nsa”? 10  Nea obisa agya sɛ: “Dɛn na wowoe?” ne ɔyere sɛ: “Dɛn na ɛma wokyemee?”+ no nnue. 11  Nea Yehowa, Israel Kronkronni+ ne ne Nwemfo+ no se ni: “Mummisa me nea ɛbɛba+ me mma so;+ monkyerɛ me nea menyɛ+ wɔ me nsa ano adwuma ho. 12  M’ankasa na meyɛɛ asase+ bɔɔ onipa too so.+ M’ankasa me nsa na ɛtwee ɔsoro mu,+ na emu asafo nyinaa, me na mefrɛ wɔn de wɔn si wɔn sibea.”+ 13  “Me na mama obi so wɔ trenee mu,+ na mɛteɛ n’akwan nyinaa.+ Ɔno na ɔbɛkyekye me kurow,+ na ɔbɛma me nkurɔfo a wɔwɔ nkoasom mu ade wɔn ho.+ Ɔrennye akatua+ anaa adanmude biara,” asafo Yehowa asɛm ni. 14  Nea Yehowa aka ni: “Egypt+ apaafo a wontua wɔn ka ne Etiopia aguadifo ne Saba+ mmarima atenten+ bɛba wo nkyɛn, na wɔbɛyɛ wo dea.+ Wobedi w’akyi, na wɔde nkɔnsɔnkɔnsɔn+ bɛba wo nkyɛn abɛkotow wo.+ Wɔbɛbɔ wo mpae aka sɛ, ‘Nokwasɛm ni, Onyankopɔn ne wo na ɛwɔ hɔ,+ na obiara nni hɔ bio; Onyankopɔn bi nni hɔ.’”+ 15  Ampa, wone Onyankopɔn a wode wo ho ahintaw,+ Israel Nyankopɔn, Ogyefo no.+ 16  Wɔn nyinaa ani bewu na wɔn anim agu ase mpo. Wɔn a wɔyɛ ahoni nyinaa bɛnantew animguase mu.+ 17  Israel de, wɔde daa nkwagye+ begye no wɔ Yehowa mu.+ Mo ani renwu,+ na mo anim rengu ase+ da biara da. 18  Nea Yehowa a ɔbɔɔ ɔsoro,+ nokware Nyankopɔn+ a ɔnwenee asase na ɔyɛe+ de tim hɔ,+ nea wammɔ no hunu na mmom ɔnwenee sɛ wɔntena so+ no, se ni: “Mene Yehowa, na obiara nni hɔ bio.+ 19  Mankasa wɔ ahintawee mu,+ asase so sum mu; na manka ankyerɛ Yakob asefo sɛ, ‘Monhwehwɛ me kwa.’+ Mene Yehowa a meka asɛntrenee, nea ɛteɛ.+ 20  “Mommoa mo ano mmra.+ Mommom ntwiw mmɛn, mo a moaguan afi amanaman mu.+ Wɔn a wɔsoso ohoni a wɔde dua asen anaa wɔbɔ onyame a ontumi nnye nkwa mpae no nnim hwee.+ 21  Monkasa, momfa mo asɛm nto gua.+ Momma wontu agyina. Hena na ɔma wɔtee eyinom fi teteete?+ Hena na ɔkaa ho asɛm fi saa bere no?+ Ɛnyɛ me Yehowa? Me na m’akyi no Onyankopɔn foforo biara nni hɔ,+ Onyankopɔn teefo ne Agyenkwa;+ obiara nni hɔ sɛ me.+ 22  “Mo a mowɔ asase no afanan nyinaa, mommra me nkyɛn na munnya nkwa;+ mene Onyankopɔn, na obiara nni hɔ bio.+ 23  Maka me ho ntam+—na asɛm no apue afi m’anom wɔ trenee mu,+ na ɛrensan+—sɛ nkotodwe nyinaa bɛkotow me+ na tɛkrɛma nyinaa aka me ntam+ 24  sɛ, ‘Yehowa mu na trenee ne ahoɔden ayɛ mã.+ Wɔn a wɔn bo afuw no nyinaa bɛba n’anim, na wɔn ani bewu.+ 25  Yehowa mu na Israel asefo+ nyinaa bedi bem+ na wɔahoahoa wɔn ho.’”+

Ase Hɔ Nsɛm