Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 36:1-22

36  Ɔhene Hesekia afe a ɛto so dunan mu no, Asiria+ hene Senaherib+ baa Yuda nkurow a wɔabɔ ho ban nyinaa so bɛfae.+  Na Asiria hene somaa Rabsake+ fii Lakis+ de asraafodɔm kɛse kaa ne ho sɛ ɔnkɔ Ɔhene Hesekia nkyɛn wɔ Yerusalem,+ na okogyinaa atifi fam ɔtare+ no suka ho,+ ɔtempɔn a ɛkɔ ntamasifo asase so no so.+  Na Hilkia ba Eliakim+ a ɔyɛ ofiepanyin, ne Sebna+ a ɔyɛ ɔkyerɛwfo, ne Asaf+ ba Yoa+ a ɔyɛ ɔhene krakye+ behyiaa no.  Ɛnna Rabsake ka kyerɛɛ wɔn sɛ: “Monkɔka nkyerɛ Hesekia sɛ, ‘Nea ɔhenkɛse,+ Asiria hene,+ aka ni: “Dɛn koraa na wode wo ho ato so yi?+  Wokae sɛ, ‘Mewɔ nyansa ne ahoɔden a metumi de ako,’+ nanso ne nyinaa yɛ anosɛm ara kwa. Hwɛ, hena koraa na wode wo ho ato no so a enti woatew atua atia me yi?+  Wo ara hwɛ, Egypt+ na wode wo ho ato no so, demmire+ a emu abu a sɛ onipa tweri a ɛbɛwɔ ne nsam ahwirew mu yi! Saa na Egypt hene Farao+ te ma wɔn a wɔde wɔn ho to no so nyinaa.+  Na sɛ moka kyerɛ me sɛ, ‘Yehowa, yɛn Nyankopɔn na yɛde yɛn ho ato no so’ a, ɛnyɛ ɔno ara na Hesekia atutu+ ne sorɔnsorɔmmea+ ne n’afɔremuka na waka akyerɛ Yuda ne Yerusalem sɛ: ‘Afɔremuka yi anim na monkotow no’?”’+  Afei wopɛ a, wo ne me wura Asiria hene+ nto nkyia+ na memma wo apɔnkɔ mpem abien na hwɛ sɛ wubetumi anya mmarima atenatena so anaa.+  Na sɛ nteaseɛnam ne apɔnkɔsotefo+ nti na wode wo ho ato Egypt so a, wobɛyɛ dɛn atumi ako atia me wura nkoa nkumaa no mu amrado biako mpo?+ 10  Wugye di sɛ Yehowa amma me kwan a anka mɛba sɛ merebɛsɛe asase yi? Yehowa na ɔka kyerɛɛ me sɛ,+ ‘Kɔ asase yi so kɔsɛe no.’”+ 11  Ɛnna Eliakim+ ne Sebna+ ne Yoa+ ka kyerɛɛ Rabsake+ sɛ: “Yɛsrɛ wo, wo ne wo nkoa nka Siria kasa,+ na yɛte; wo ne yɛn nnka Yudafo kasa+ mmma nkurɔfo a wɔwɔ ɔfasu no so no nnte.”+ 12  Nanso Rabsake kae sɛ: “Mo wura ne mo nti na me wura somaa me sɛ memmɛka nsɛm yi anaa? Ɛnyɛ wɔn a wɔtete ɔfasu no so nti, sɛnea ɛbɛma wɔadi wɔn tiafi na wɔanom wɔn dwensɔ sɛ mo ara?”+ 13  Afei Rabsake gyinaa yiye,+ na ɔde nne kɛse teɛɛm wɔ Yudafo kasa+ mu sɛ: “Muntie ɔhenkɛse, Asiria hene no, asɛm.+ 14  Nea ɔhene aka ni, ‘Mommma Hesekia nnnaadaa mo,+ na ɔrentumi nnye mo.+ 15  Munnni Hesekia akyi mmfa mo ho nnto Yehowa so+ nnka sɛ: “Ogye na Yehowa begye yɛn,+ na ɔremfa kurow yi nhyɛ Asiria hene nsa.”+ 16  Munntie Hesekia, na Asiria hene aka sɛ: “Mungow mo ho mma me+ na mommra me nkyɛn na obiara nni n’ankasa bobe ne ne borɔdɔma,+ na ɔnnom n’ankasa abura mu nsu+ 17  nkosi sɛ mɛba abɛfa mo akɔ asase a ɛte sɛ mo ara mo asase so,+ asase a awi ne nsã foforo wɔ so, asase a paanoo ne bobe nturo wɔ so no. 18  Mɛyɛ saa na Hesekia annaadaa mo+ anka sɛ, ‘Yehowa begye yɛn.’ Amanaman no anyame no bi atumi agye ne nkurɔfo afi Asiria hene nsam pɛn?+ 19  Hamat+ ne Arpad+ anyame no wɔ he? Sefarwayim+ anyame no nso wɔ he? Wɔatumi agye Samaria afi me nsam anaa?+ 20  Aman yi anyame nyinaa mu hena na watumi agye ne man afi me nsam+ a enti Yehowa betumi agye Yerusalem afi me nsam?”’”+ 21  Nanso wɔyɛɛ komm na wɔanka asɛm biara,+ efisɛ na ɔhene aka sɛ: “Mummmua no.”+ 22  Ɛnna Hilkia ba Eliakim+ a ɔyɛ ofiepanyin,+ ne Sebna+ a ɔyɛ ɔkyerɛwfo, ne Asaf ba Yoa+ a ɔyɛ ɔhene krakye sunsuan wɔn ntade mu+ kɔɔ Hesekia nkyɛn, na wɔkaa Rabsake+ nsɛm no kyerɛɛ no.

Ase Hɔ Nsɛm