Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 34:1-17

34  Aman, mommra mmetie;+ amanaman,+ monyɛ aso. Asase ne ɛso nneɛma nyinaa ntie,+ wiase+ ne nea ɛwom nyinaa.+  Yehowa bo afuw aman nyinaa,+ na n’abufuhyew wɔ hɔ ma wɔn asraafodɔm nyinaa.+ Ɔbɛsɛe wɔn, ɔbɛma wɔakum wɔn.+  Wɔbɛtow wɔn a wɔakunkum wɔn no agu, na wɔn afunu bɛbɔn kankaankan;+ na wɔn mogya bɛhono mmepɔw.+  Ɔsoro asafo nyinaa bɛporɔw.+ Na wɔbɛbobɔw ɔsoro+ sɛ nhoma mmobɔwee, na wɔn asafo bɛpo sɛnea bobe ahaban ne borɔdɔma a atwintwam po no.+  “Me nkrante ano bɛfɔw+ wɔ ɔsoro. Hwɛ, ebesian aba Edom so,+ ɛbɛba nnipa a mabu wɔn atɛn ama ɔsɛe+ no so.  Yehowa wɔ nkrante bi; ɛbɛnom mogya amee+ na srade afɔw ho twɔnn: adwennini ne mpapo mogya, adwennini asaabo ho srade.+ Yehowa wɔ afɔre bi bɔ wɔ Bosra, ne okunkɛse wɔ Edom+ asase so.  Na ɛkoɔ+ ne wɔn bɛba, anantwinini nkumaa ne wɔn a wɔn ho yɛ den+ nyinaa; na mogya bɛdonnɔn wɔn asase na srade afɔw wɔn dɔte twɔnn.”+  Yehowa wɔ akatua da,+ asotwe afe a obedi ama Sion.+  Ne nsuten bɛdan kootaa na ne dɔte adan sufre, na n’asase bɛyɛ sɛ kootaa a ɛrehyew.+ 10  Anadwo oo, anɔpa oo, ɛrennum, na ne wusiw bɛkɔ soro daa.+ Kurow no bɛwo ayɛ kesee wɔ awo ntoatoaso nyinaa mu,+ na obiara rentwam wɔ hɔ da.+ 11  Na pokupoku ne kɔtɔkɔ begye hɔ afa, na patu asotenten ne kwaakwaadabi bɛtena hɔ;+ na ɔde ɔsɛe susuhama+ ne amamfoyɛ prumo bɛto so. 12  N’adehye no mu biara nni hɔ a wɔde no bedi hene, na n’abirɛmpɔn nyinaa bɛyera koraa.+ 13  Nsɔe befifi n’abantenten so, na nsasono ne kokora afifi n’abannennen mu.+ Ɔbɛyɛ sakraman asoɛe+ ne sohori adiwo.+ 14  Ɛhɔ na sare so mmoa ne mmoa a wɔpa so behyia, na adaemone abirekyi*+ besu afrɛ ne yɔnko. Anadwoboa bɛba abedwudwo ne ho na ɔde hɔ ayɛ n’ahomegyebea.+ 15  Ɛhɔ na ɔkyereben ayɛ ne buw atow ne nkesua, na ɛhɔ na obesow na waboaboa ne mma ano wɔ ne nwini ase. Yiw, ɛhɔ na asansa+ behyia, obiara ne ne hokafo. 16  Monhwehwɛ Yehowa nhoma+ mu na monkenkan no den: biako mpo nyerae;+ obiara nni hɔ a onni ɔhokafo, efisɛ Yehowa ankasa ano na aka,+ na ne honhom na aboa wɔn ano.+ 17  Ɔno na wabɔ ntonto ama wɔn, na n’ankasa ne nsa na ɛde susuhama asusuw ama wɔn.+ Ɛbɛyɛ wɔn agyapade na wɔatena hɔ daa, awo ntoatoaso kosi awo ntoatoaso.

Ase Hɔ Nsɛm

Hwɛ Le 17:7 ase hɔ asɛm.