Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 33:1-24

33  Wo a wosɛe ade a obiara nsɛee wo, due! Wo a wo ne nkurɔfo di nkontompo so a obiara ne wo nnii nkontompo so.+ Sɛ wosɛe ade wie pɛ a, wo nso wɔbɛsɛe wo.+ Sɛ wo ne nkurɔfo di nkontompo so wie pɛ a, wo nso wɔne wo bedi nkontompo so.+  O Yehowa, dom yɛn.+ Yɛn ani da wo so.+ Yɛsrɛ wo bɛyɛ yɛn basa+ anɔpa biara,+ yɛn nkwagye wɔ ahohia bere mu.+  Wobobom na nnipa guan,+ wosɔre gyina na aman hwete.+  Wɔbɛboaboa mo asade+ ano te sɛ nea ntɛfrɛw boaboa nneɛma ano, na wobetu agu so te sɛ mmoadabi a wɔatu agu obi so.+  Wɔbɛma Yehowa so,+ efisɛ ɔte soro tɔnn.+ Ɔde atɛntrenee ne trenee bɛhyɛ Sion mã.+  Wo bere mu nokwaredi bɛyɛ nkwagye+ ahode, na eyi ne nyansa ne nimdeɛ+ ne Yehowa suro,+ na eyi nso ne n’ademude.  Hwɛ, wɔn akatakyi su wɔ mmɔnten so, na asomdwoe abɔfo+ besu yayaayaw.  Atempɔn ada mpan;+ wɔn a wɔfa kwan so to atwa.+ Wabu apam no so,+ wabu nkurow no animtiaa,+ na ommu ɔdesani biara.+  Asase no redi awerɛhow, abotow.+ Wɔabrɛ Lebanon ase,+ afurofurow. Saron+ ayɛ sɛ sare so, na Basan ne Karmel nhaban apo.+ 10  Yehowa se: “Afei mɛsɔre;+ afei mɛma me ho so;+ afei mɛpagyaw me ho.+ 11  Moanyinsɛn sare a aguan,+ mobɛwo buronan. Mo honhom te sɛ ogya,+ na ɛbɛhyew mo.+ 12  Nnipa bɛyɛ sɛ akado a wɔahyew, na wɔde ogya bɛto mu te sɛ nsɔe a wɔatwa agu fam.+ 13  Mmarima a mowɔ akyirikyiri, muntie nea mɛyɛ!+ Mo a mobɛn, munhu m’ahoɔden.+ 14  Abɔnefo a wɔwɔ Sion abɔ hu;+ awaefo ho popo biribiri:+ ‘Yɛn mu hena na obetumi abɛsoɛ ogyaframa kɛse no?+ Yɛn mu hena na obetumi abɛsoɛ ogya a ɛrefram daa no?’+ 15  “Nea ɔnam trenee kwan so+ daa a ɔka nea ɛteɛ,+ nea okyi apoobɔ sika,+ nea ɔtwe ne nsa na anso adanmude mu,+ nea osiw n’aso na ante mogyahwiegu, nea ɔkata n’ani na anhu bɔne.+ 16  Ɔno na ɔbɛtena mmepɔw so wɔ sorosoro;+ na ne tenabea bɛyɛ ɔbotan aban a ɛhɔ kɔ yɛ den.+ Wɔde n’aduan bɛma no,+ na ne nsu rensa da.”+ 17  W’ani behu ɔhene bi n’ahoɔfɛ mu,+ ebehu asase bi wɔ akyirikyiri.+ 18  Wo koma bedwinnwen+ ahude ho: “Ɔkyerɛwfo no wɔ he? Nea otua sika no wɔ he?+ Nea ɔkan abantenten no wɔ he?”+ 19  Worenhu ahantanfo biara, ɔman a wɔn kasa mu yɛ duru sɛ wobɛte ase, nnipa a wɔpɔtɔ a wonte wɔn kasa ase.+ 20  Hwɛ Sion,+ yɛn afahyɛ kurow!+ Wode w’ani behu Yerusalem, asoɛe a ɛhɔ yɛ komm, ntamadan a obiara rentu.+ Wɔrentu ne mpɛɛwa da biara da, na ne hama biara mu rentew.+ 21  Na Yehowa, Otumfoɔ no,+ begyina hɔ ama yɛn sɛ beae a nsubɔnten+ ne nsuka akɛse wɔ. Akohyɛn biara rentumi mfa mu, na hyɛn kɛse biara rentumi ntwam wɔ hɔ. 22  Na Yehowa ne yɛn Temmufo,+ Yehowa ne yɛn Mmarahyɛfo,+ Yehowa ne yɛn Hene;+ ɔno na obegye yɛn nkwa.+ 23  Wo nhama mu begow; hyɛnnua no rentumi nnyina pintinn; na wɔrentumi ntrɛw mframatama mu. Saa bere no wobenya asade pii akyɛ; na mpakye mpo benya afowde bebree.+ 24  Na ɔmanfo no mu biara renka sɛ: “Meyare.”+ Wɔde asase no sofo bɔne befiri wɔn.+

Ase Hɔ Nsɛm