Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 27:1-13

27  Saa da no, Yehowa+ de ne nkrante+ kɛse dennen no bɛba Lewiatan,+ ɔwɔ a ne ho yɛ hare,+ no so. Ɔde bɛba Lewiatan, ɔwɔ a ne mu apompono, no so. Na obekum po mu asuboa+ kɛse no.  Ɛda no monto dwom mma no+ sɛ: “Bobeturo+ a emu nsã puw ahuru!  Me Yehowa, me na mehwɛ no.+ Megugu no so nsu+ bere nyinaa. Mɛhwɛ no awia ne anadwo+ na obi ansɛe no.  Abufuw biara nni me mu.+ Hena na ɔde nsɔe+ ne nkyɛkyerɛ bɛba m’anim wɔ ɔko mu? Anka metiatia so de ogya atom prɛko.+  Anyɛ saa a, ɔmmra m’abannennen mu ne me mmɛka asomdwoesɛm; asomdwoesɛm na ɔne me mmɛka.”+  Nna bi bɛba a Yakob begye ntini, Israel+ bɛfefɛw agu nhwiren, na wɔde nnɔbae bɛhyɛ asase no so mã.+  Wɔnhwe no sɛnea ne hwefo hwee no no? Anaa wonkum no sɛnea wokum ne nkurɔfo no?+  Na wobɛteɛm ne no adi asi na woaka no akɔ. Obehuw mframa dennen apia no akɔ, da a apuei mframa bɛbɔ no.+  Enti eyi so na wɔnam bɛpata Yakob bɔne,+ na sɛ oyi ne bɔne+ kɔ a, aba a ebefi mu aba nyinaa ni: Ɔbɛma afɔremuka abo abɛyɛ sɛ akado a wɔayam, na abosonnua+ ne aduhuam ade remma wɔn ho so bio.+ 10  Na kurow dennen no bɛda mpan. Wɔbɛma mmoa adidibea ada ntuw na wɔagyaw ato hɔ sɛ sare pradada.+ Ɛhɔ na nantwi ba bedidi, na obebutuw hɔ awe ne mmãã.+ 11  Sɛ ne nnubaa no wo a, mmea bebubu mmobaa no akɔsɔ gya.+ Wɔyɛ ɔman a wɔn adwenem nnɔ.+ Ɛno nti wɔn Yɛfo no yam renhyehye no mma wɔn, na wɔn Nwemfo no renhu wɔn mmɔbɔ.+ 12  Saa da no, Yehowa bɛporow aba+ no afi asubɔnten kɛse+ no ano akosi Egypt+ subon ano; na saa na mo Israelfo nso, wɔbɛtase mo mmiako mmiako.+ 13  Ɛda no wɔbɛhyɛn abɛn+ kɛse bi, na wɔn a wɔayera wɔ Asiria+ asase so ne wɔn a wɔabɔ wɔn apansam Egypt+ asase so no bɛba abɛkotow+ Yehowa wɔ bepɔw kronkron no so wɔ Yerusalem.+

Ase Hɔ Nsɛm