Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 26:1-21

26  Ɛda+ no wɔbɛto dwom+ wɔ Yuda asase so+ sɛ: “Yɛwɔ kurow a ɛyɛ den.+ Ɔde nkwagye ayɛ ɔfasu ne akoban.+  Mummue apon+ no mma ɔman trenee a edi nokware no mmra mu.+  Nea ne koma si pi no, wode asomdwoe bɛbɔ ne ho ban daa,+ efisɛ ɔde ne ho ato wo so.+  Momfa mo ho nto Yehowa so daa,+ efisɛ Yah Yehowa mu na yɛn daa Botan+ wɔ.  “Wɔn a wɔte soro no, wabrɛ wɔn ase;+ kurow a ɛkorɔn no,+ wama ahwe ase, ahwe fam, mfutuma mu.+  Abrɛfo nan betiatia so, ahiafo anammɔn.”+  Ɔtreneeni kwan yɛ tee.+ W’akwan teɛ, enti wobɛma ɔtreneeni kwan ayɛ toromtorom.+  O Yehowa, yɛn ani da wo so+ sɛ yebehu w’atemmu kwan. Yɛn kra ani agyina+ wo din ne wo nkae.+  Edu anadwo a, me kra ani gyina wo,+ na mede honhom a ɛwɔ me mu nyinaa hwɛ wo kwan,+ efisɛ sɛ wubu asase atɛn+ a, asase sofo nyinaa sua+ adetrenee.+ 10  Sɛ wɔdom ɔbɔnefo mpo a, ɔrensua adetrenee.+ Trenee asase so mpo, obedi amumɔyɛsɛm+ na ɔrenhu Yehowa anuonyam.+ 11  O Yehowa, woama wo nsa so,+ nanso wonhu.+ Sɛ wohu sɛnea wode nnamyɛ di ma wo man a, wɔbɛfɛre.+ Yiw, ogya+ bɛmene w’atamfo. 12  Yehowa, wubebu asomdwoe atɛn ama yɛn,+ efisɛ yɛn nnwuma nyinaa woayɛ ama yɛn.+ 13  Yehowa yɛn Nyankopɔn, w’akyi no, atumfoɔ binom adi yɛn so sɛ yɛn wuranom.+ Nanso wo nkutoo na yɛbɛbɔ wo din.+ 14  Wɔawuwu na wɔrentena ase bio;+ wɔyɛ awufo+ na wɔrensɔre bio.+ Enti wode w’ani asi wɔn so sɛ wobɛsɛe wɔn na wɔn din ayera.+ 15  Woama ɔman no adɔ pii; Yehowa, woama ɔman no adɔ pii;+ woahyɛ wo ho anuonyam.+ Woatrɛw asase no ahye nyinaa mu.+ 16  O Yehowa, bere a wohuu amane no, wɔdan baa wo nkyɛn;+ bere a woteɛɛ wɔn so+ no, wɔbɔɔ mpae besebesee wɔn ano. 17  Yehowa, woama yɛayɛ sɛ ɔpemfo a awo aka no, ɔte awo mu yaw, ɔkyem na ɔkekaw mu.+ 18  Yɛanyinsɛn, yɛate awo mu yaw,+ nanso ɛte sɛ nea yɛawo mframa. Yentumi mfaa nkwagye biara mmaa asase no so,+ na wɔnwoo obiara wɔ asase no so.+ 19  “W’awufo benya nkwa.+ Na m’afunu bɛsɔre.+ Mo a mote mfutuma mu,+ monsɔre mmɔ ose! Wo bosu+ te sɛ ɛfan+ ho bosu, na asase bɛsan awo awufo.+ 20  “Me man, monkɔ mo mpia mu na monto mu.+ Momfa mo ho nsie kakra nkosi sɛ abufuhyew no betwam.+ 21  Hwɛ, Yehowa fi ne tenabea reba, na ɔbɛma asase no sofo abu wɔn bɔne ho akontaa, bɔne a wɔayɛ atia no nyinaa.+ Na asase no bɛma ne mogyahwiegu+ ada adi, na ɛrenkata wɔn a wɔakum wɔn no so bio.”+

Ase Hɔ Nsɛm