Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 20:1-6

20  Afe a Asiria hene Sargon somaa+ Tartan+ kɔɔ Asdod+ no, ɔko faa Asdod,+  na saa bere no Yehowa nam Amus+ ba Yesaia so kae sɛ: “Kɔ+ na koyi atweaatam no fi w’asen+ na yi wo mpaboa fi wo nan ase.”+ Ɔyɛɛ saa de daa adagyaw, na oyii ne mpaboa nantew anammɔnpan mu.+  Na Yehowa toaa so kae sɛ: “Sɛnea m’akoa Yesaia daa adagyaw na ɔnantew anammɔnpan mu mfe abiɛsa de yɛɛ sɛnkyerɛnne+ ne kɔkɔbɔ maa Egypt+ ne Etiopia+ no,  saa ara na Asiria hene bɛka Egyptfo+ ne Etiopiafo, mmerante ne nkwakoraa, akɔ nkoasom mu, adagyaw ne anammɔnpan mu; wobeyi wɔn to ho ma Egypt ada adagyaw.+  Na wɔhwɛ Etiopia a wɔn ani da no so+ ne Egypt a ɔyɛ wɔn anuonyam+ no a, wɔbɛbɔ hu na wɔn ani awu.  Saa da no, nnipa a wɔte mpoano yi bɛka sɛ, ‘Monhwɛ nea ato ɔman a yɛde yɛn ani too so no, ɔman a yeguan kɔtoaa no sɛ onnye yɛn mfi Asiria hene nsam no!+ Afei ɛhe na yɛde yɛn ti bɛfa?’”

Ase Hɔ Nsɛm