Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Yesaia 2:1-22

2  Anisoadehu a Amus ba Yesaia nyae wɔ Yuda ne Yerusalem ho ni:+  Na nna a edi akyiri+ no mu no, Yehowa fie bepɔw+ betim hɔ wɔ mmepɔw atifi,+ na wɔbɛma so asen nkoko nyinaa,+ na aman nyinaa bɛsen yuu akɔ hɔ.+  Na aman pii bɛkɔ akɔka sɛ: “Mommra+ mma yɛnkɔ Yehowa bepɔw so, Yakob Nyankopɔn fie, na ɔbɛkyerɛ yɛn n’akwan na yɛanantew n’atempɔn so.”+ Na Sion na mmara befi aba, na Yerusalem na Yehowa asɛm befi.+  Na obebu atɛn wɔ amanaman no mu,+ na obesiesie+ nsɛm ama aman pii.+ Na wɔde wɔn nkrante bɛyɛ nsɔw na wɔde wɔn mpeaw ayɛ kantankrankyi.+ Ɔman bi rentwe nkrante wɔ ɔman bi so, na wɔrensua akodi bio.+  Yakob fiefo, mommra mma yɛnnantew Yehowa hann mu.+  Woagyaw wo man Yakob fie,+ efisɛ Apuei nneɛma ahyɛ wɔn mã.+ Wodi asumansɛm+ te sɛ Filistifo, na ananafo mma na wɔne wɔn di nsawɔso.+  Dwetɛ ne sika kɔkɔɔ ahyɛ wɔn asase so mã, na wɔn ademude nni ano.+ Apɔnkɔ ahyɛ wɔn asase so mã, na wɔn nteaseɛnam nni ano.+  Anyamehunu ahyɛ wɔn asase so mã,+ na wɔkotow onipa nsa ano adwuma, ade a ɔdesani de ne nsateaa ayɛ.+  Ɔdesani abrɛ ne ho ase, onipa aba fam, na wuntumi mfa mfiri wɔn.+ 10  Yehowa ho hu ne ne kɛseyɛ a enni ano nti,+ kɔhyɛ ɔbotan mu na fa wo ho sie anhwea mu. 11  Ɔdesani ani a ɛtra ne ntɔn no bɛbrɛ ase na nnipa ahomaso aba fam.+ Saa da no, Yehowa nkutoo na wɔbɛma no so.+ 12  Ɛyɛ asafo Yehowa da.+ Na ɛbɛba obiara so, nea ɔyɛ ahantan, nea n’ani tra ne ntɔn, nea wɔama no so anaa wɔabrɛ no ase.+ 13  Ɛbɛba Lebanon nkyeneduru+ atenten kokuroo ne Basan nnupɔn+ nyinaa so. 14  Na ɛbɛba mmepɔw atenten ne nkoko a wɔama so nyinaa so.+ 15  Ɛbɛba abantenten ne afasu dennen nyinaa so,+ 16  ne Tarsis ahyɛn+ ne akorow fɛfɛ nyinaa so. 17  Na ɔdesani ahantan bɛba fam na nnipa ahomaso abrɛ ase.+ Saa da no, Yehowa nkutoo na wɔbɛma no so.+ 18  Na anyamehunu no befi hɔ koraa.+ 19  Sɛ Yehowa ma ne ho so ma asase wosow a,+ ne ho hu ne ne kɛseyɛ a enni ano nti,+ nnipa bɛkɔ akɔhyehyɛ abodan ne asase mu ntokuru mu. 20  Saa da no, ɔdesani bɛtow ne dwetɛ anyamehunu ne ne sika abosonhuhuw a wɔayɛ ama no sɛ ɔnkotow wɔn no agu ama ofiam ne ampan.+ 21  Na sɛ Yehowa ma ne ho so ma asase wosow a, ne ho hu ne ne kɛseyɛ a enni ano nti,+ wɔbɛkɔ akɔhyɛ abotan mu ntokuru ne abodan mu. 22  Enti montwe mo ho mfi ɔdesani ho, onipa a ɔhome fa ne hwenem.+ Dɛn na ɛbɛma wɔabu ne ho akontaa?+

Ase Hɔ Nsɛm