Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 11:1-16

11  Duforo+ bi befifi afi Yese dunsin mu,+ na dubaa+ befi ne ntini mu asow aba.+  Yehowa honhom besi no so,+ nyansa+ ne ntease+ honhom, afotu ne tumi honhom,+ nimdeɛ+ ne Yehowa suro honhom.+  Yehowa suro+ bɛyɛ no anika. Ɛnyɛ nea n’ani hu so na obebu atɛn, na ɛnyɛ nea n’aso te so na obeyi ntɛn.+  Na ɔde atɛntrenee bebu ahiafo atɛn+ na ɔde trenee ayi asase so ahobrɛasefo ntɛn. Na ɔde n’anom abaa+ bɛbɔ asase no na ɔde n’anom honhom akum abɔnefo.+  Ɔde trenee bɛyɛ abɔso abɔ n’asen+ na ɔde nokwaredi akyekyere ne sisi.+  Na pataku ne oguammaa bɛtena*+ na ɔsebɔ ne abirekyi ba ada faako, na nantwi ba ne gyata+ ne aboa a wadɔ bɛbom atena faako+ na abarimaa ketewaa aka wɔn.  Nantwibere ne osisi bɛbom adidi na wɔn mma ada faako. Na gyata mpo bɛwe wura sɛ nantwinini.+  Akokoaa begoru ɔprammiri+ amoa ano na abofra a watwa nufu de ne nsa aka ahurutoa bɔn.  Wɔrenyɛ bɔne+ na wɔrensɛe ade bio wɔ me bepɔw kronkron+ no nyinaa so, efisɛ Yehowa ho nimdeɛ bɛhyɛ asase so mã sɛnea nsu akata po so no.+ 10  Saa da no,+ Yese ntini+ begyina sɛ ahyɛnsode ama aman nyinaa.+ Na amanaman bɛhwehwɛ n’akyi kwan,+ na n’asoɛe bɛyɛ anuonyambea.+ 11  Saa da no, Yehowa bɛteɛ ne nsa ne mprenu so+ de agye ne man nkae afi Asiria+ ne Egypt,+ Patros+ ne Kus,+ Elam+ ne Sinar,+ Hamat ne po so nsupɔw+ nyinaa so. 12  Na ɔbɛma ahyɛnsode bi so ama aman no na waboaboa Israelfo a wɔapete no ano,+ na ɔbɛka Yudafo a wɔahwete no afi asase no afanan+ nyinaa aboa ano. 13  Na Efraim anibere befi hɔ,+ na wobetwa wɔn a wɔtan Yuda no agu. Efraim ani remmere Yuda bio, na Yuda renhiahia Efraim ho bio.+ 14  Wobetu akosi Filistifo mmati so wɔ atɔe,+ na wɔbɛbom afow Apueifo.+ Wobedi Edom ne Moab so+ na Ammonfo abɛhyɛ wɔn ase.+ 15  Na Yehowa betwa Egypt po+ no tɛkrɛma, na ɔde ne honhom hyehyew no behim ne nsa wɔ asubɔnten kɛse+ no so. Na ɔbɛbɔ n’asuten ason no na wama nnipa de wɔn mpaboa mpo afa mu.+ 16  Na ɔkwantempɔn+ befi Asiria abɛda hɔ ama ne man nkaefo+ a wɔaka no,+ sɛnea ebi bɛdaa hɔ da a Israel fii Egypt asase so no.

Ase Hɔ Nsɛm

Kyerɛ sɛ wobehyiam bere ne bere mu.