Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yesaia 10:1-34

10  Wɔn a wɔhyehyɛ mmara bɔne+ ne wɔn a daa wɔkyerɛw mmusu no nnue.  Wɔyɛ saa de pia ahiafo fi atemmu ho, na wohwim atɛntrenee fi me man mu abrɛfo nsam;+ akunafo adan wɔn asade na wɔfow nnyanka!+  Na akontaabu da+ no ne ɔsɛe a efi akyirikyiri reba mu no, mobɛyɛ dɛn?+ Hena nkyɛn na mobɛkɔ akɔhwehwɛ mmoa,+ na ɛhe na mubegyaw mo anuonyam?+  Nea ɛbɛba ara ne sɛ wɔbɛhwe fam ahyɛ nneduafo ase, na nnipa bɛtetew ahwe ma awufo abesum wɔn so.+ Nea akɔ so nyinaa nti ɔntwee n’abufuw nsanee, na wateɛ ne nsa mu ara.+  “Hwɛ, Asiria+ yɛ m’abufuw abaa,+ na m’atemmu poma hyɛ wɔn nsam!  Mɛsoma no akɔ awaefo+ man so, na mɛhyɛ no akɔ nnipa a me bo afuw wɔn+ hɔ akɔfa asade ne afowde pii, na obetiatia ɔman no so sɛ abɔntenkwan so dɔte.+  Ɔnte saa, nanso ɛbɛba n’adwenem; enni ne komam, nanso ɔbɛfa ho adwene, efisɛ ɛwɔ ne komam sɛ ɔbɛtɔre aman pii ase+ na watwitwa wɔn agu.+  Na ɔbɛka sɛ, ‘M’abirɛmpɔn nyɛ ahene nso anaa?+  Kalno+ nte sɛ Karkemis+ anaa? Hamat+ nte sɛ Arpad?+ Na Samaria+ nte sɛ Damasko?+ 10  Sɛnea me nsa duu ahemman a wɔn anyamehunu ahoni dɔɔso sen wɔn a wɔwɔ Yerusalem ne Samaria so no,+ 11  ɛnyɛ saa ara na mɛyɛ Samaria ne n’anyamehunu,+ na ɛnyɛ saa ara nso na mɛyɛ Yerusalem ne n’ahoni?’+ 12  “Na sɛ Yehowa wie dwuma a obedi wɔ Bepɔw Sion so ne Yerusalem nyinaa a, mɛma Asiria hene abebu ne komapirim ne n’ani a ɛtra ne ntɔn no ho akontaa.+ 13  Ɔhoahoaa ne ho sɛ, ‘Mede me nsam tumi+ ne me nyansa bɛyɛ ade, efisɛ mewɔ nhumu. Meyi aman no ahye+ afi hɔ na mafa wɔn akorade;+ Mɛka emufo agu sɛ ɔhoɔdenfo.+ 14  Mɛteɛ me nsa+ aka aman no agyapade+ sɛnea mereyi berebuw, na sɛnea obi tase nkesua a wɔagyaw no, saa ara na mɛboaboa asase nyinaa ano, na obiara remmɔ ne ntaban mu, na ɔremmue n’ano na ɔrensu.’” 15  Akuma bɛma ne ho so wɔ nea ɔde rebu nnua so, anaa sradaa bɛma ne ho so asen nea ɔde twa ade no? Enti poma betumi ahim nea ɔma so no, na abaa betumi ama nea ɔnyɛ dua so?+ 16  Enti asafo Yehowa, Awurade nokwafo no, bɛma n’akɛsefo ayare afomfɔn,+ na ɔbɛsɔ n’anuonyam ase gya ma ahyew dwerɛbee sɛnea ogya hyew ade.+ 17  Na Israel Hann+ bɛyɛ ogya,+ na ne Kronkronni ayɛ ogyaframa.+ Ɛbɛhyew ne nkyɛkyerɛ ne ne nsɔe+ nyinaa da koro. 18  Ɔbɛsɛe ne kwae ne ne turom anuonyam koraa,+ fi ɔkra so kosi honam so, na ɛbɛyɛ sɛ obi a ɔyare adidi ne mu na aka no ato owupa so.+ 19  Ne kwae mu nnua kakraa bi na ɛbɛka, na abofra mpo betumi akan akyerɛw ne dodow.+ 20  Saa da no, Israel nkaefo+ ne Yakob fie aguanfo remfa wɔn ho ntweri nea ɔhwee wɔn no bio.+ Mmom wɔde wɔn ho betweri Yehowa, Israel Kronkronni no,+ wɔ nokwaredi mu.+ 21  Nkaefo kakraa bi na wɔbɛsan aba, Yakob nkaefo bi bɛsan aba Onyankopɔn Tumfoɔ no nkyɛn.+ 22  O Israel, wo nkurɔfo te sɛ mpoano anhwea+ de, nanso wɔn mu nkaefo kakraa bi pɛ na wɔbɛsan aba.+ Ɔsɛe+ a wɔahyɛ ato hɔ beyiri asram so wɔ trenee mu,+ 23  efisɛ asafo Yehowa, Awurade Tumfoɔ no, de ɔsɛe pasaa+ a wɔahyɛ ato hɔ pintinn bɛba asase no nyinaa so.+ 24  Enti nea asafo Yehowa, Awurade Tumfoɔ no,+ aka ni: “Me man a mote Sion,+ munnsuro Asiria a ɔde abaa hwee mo+ na ɔde ne poma baa mo so sɛnea Egypt yɛe no!+ 25  Ɛrenkyɛ koraa, abufuhyew+ no to betwa, na m’abufuw bɛsɛe wɔn.+ 26  Na Asafo Yehowa behim mpire+ wɔ no so sɛnea otwiw faa Midian so wɔ Oreb botan+ ho no, na ɔde ne poma bɛkyerɛ po+ so na wama so sɛnea ɔyɛɛ Egypt no.+ 27  “Saa da no Asiria adesoa befi wo mmati so,+ na ne kɔndua befi wo kɔn ho,+ na ngo nti, kɔndua no asɛe.”+ 28  Waba Aiyat+ so, na watwam afa Migron de ne nneɛma abegu Mikmas.+ 29  Wafa asutwaree hɔ abɛda Geba.+ Rama+ abɔ hu, na Saul kurow Gibea+ nso aguan. 30  Galim+ babea, ma wo nne so su. Laisa, yɛ aso tie. O Anatot,+ w’asɛm yɛ mmɔbɔ! 31  Madmena aguan, na Gebimfo akɔpɛ baabi atɛw. 32  Ade nnya nsae, enti obegyina Nob.+ Ohim ne nsa anibere so kyerɛ Sion babea bepɔw, Yerusalem+ koko no. 33  Hwɛ, asafo Yehowa, Awurade nokwafo no, twitwa nnubaa ma ɛhwehwe fam birimbirim;+ otwitwa atenten no gu, na nea ɛkorɔn no ba fam.+ 34  Ɔde dade atwitwa kwae mu adɔtɔ, na ɔhoɔdenfo bi nsa ano na Lebanon nnua bɛhwe ase.+

Ase Hɔ Nsɛm